খূরায় এসেমব্লী কন্সটিটুয়েন্সিগী এম এল এ লৈশাংথেম সুসিন্দ্রোগী লমজীঙ মখাদা এসেমব্লি কন্সটিট্যুয়েন্সি অসিগী মীওই ৮৭৬ তা নফসাগী কার্দ য়েন্থোকখ্রে। নেস্নেল ফুদ সেক্যুরিতী এক্টকি মখাদা রেসন কার্দ য়েন্থোকপগী থৌরম অদু বি জে পি খূরায় মন্দল অমদি সেন্ট্রেল ইলেক্সন মেনেজমেন্ট কম্মিটি অনীনা খূৎশম্নদুনা শীনখিবনি।
ঙরাং নুংথিল পাঙথোকখিবা কার্দ য়েন্থোকপগী থৌরমদুদা এম এল এ সুসিন্দ্রোগী লোয়নবী লৈশাংথেম ওঙবী বেমবেম্না বেনিফিসরিশিংদা কার্দশিং অদূ খূৎশীন্নখি। থৌরমদূদা এম এল এগী অপোকপা লৈশাংথেম ইতোচা, বি জে পি খূরায় মন্দলগী প্রসিদেন্ট এল কানন্দ বালা অমসুং সেন্ট্রেল ইলেক্সন মেনেজমেন্ট কম্মিটিগী মীওইশিংসু শরূক য়াখি।
থৌরম অদূদা এম এল এগী লোয়নবী বেমবেম্না হায়, মহাক্কি মপূরোইবনা খূরায় এসেমব্লী কন্সটিট্যুয়ন্সিগী মীয়াম্বু য়াম্না লূম্না লৌজৈ। অনৌবা নফসাগী কার্দ ফংননবা হোৎনবদা চঙগদবা লেবর, শেল-থুমগী অৱাবা কয়াদু লৈহন্দনবা থওইনা মসীগী চেন-চোংননবা মী থম্লগা নফসাগী ওফিসিয়লশিংগা খূৎশম্নদূনা অখন্নবা ওফিস অমা হাংদোক্লগা থবক শুরকপনি।হৌজিকসু নফসাগী কার্দ ফংহৌদবা মী য়াওরবদি মরী লৈনবা চে চাং পুরক্লগা লাকপিনবা মহাক্না আপিল তৌখি।
