চৎলিবা সেপ্তেম্বর থা অসীগী ২১ দা ইম্ফাল ৱেষ্ট দিষ্ট্রিক্টকি মনূঙচন্না লৈবা লিলোং চজীংদগী চীঙশুবম মঞ্জু কৌবী মৌ নহা অমা রিমস হোস্পিটালদা অঙাঙ নূপীমচা অমা উনরবা মতূঙদা কা হেন্না ঈ হাথরকপদগী লৈখিদবা অমসুং বামোন কম্পুদগী য়াম্বেম সঞ্জয় কৌবা মীওই অমসু হোস্পিটাল অসীদা লৈখিদবা থৌদোকশিং দাক্তরশিংনা থৌশাদবদগী থোকখিবনি হায়বা ৱাহৌদগী ঈমূঙ-মনূঙগী মীওইশিং অমসুং লৈকায়গী মীয়াম হৌরক্তুনা হোস্পিটাল অসীদা থোমজীল্লক্তুনা অমাঙ- অতা থোকহল্লম্বা, মেদিকেল সুপরিন্টেন্দেন্ট কি ওফিস থুগাইরম্বা অমসুং দাক্তর অমা ফূরমখিবা থৌওংবু কন্না য়ানিংদবা ফোঙদোক্তুনা রিমসকি মেদিকেল ষ্টাফশিং অমসুং মহৈরোয়শিংনা ৱাকৎ মীফম ফমদুনা প্রোটেষ্ট তৌখ্রে।
হোস্পিটাল অসীগী ষ্টুডেন্টস য়ুনিয়ন, টিচর্স এন্দ মেদিকেল ওফিসার্স এসোসিয়েসন, রেসিদেন্ট দাক্তর্স এসোসিয়েসন, এন টি ই দব্লিয়ু এ, আর এন এ এলনা খূৎশম্নরগা শিন্থা লেপ্তুনা রিমসকি অনৌবা ও পি দি কমপ্লেক্সতা অকনবা প্রোটেষ্ট তৌখি। দাক্তরশিং অমদি মেডিকেল মহৈরোয়শিংগী খোঙজঙ অদূবু শৌগত্তুনা মনিপুরগী অতৈ মফমশিংদা লৈরিবা গভর্নমেন্ট অমসুং প্রাইভেট হোস্পিটালশিংদসু অনা-লায়েংগা মরী লৈনবা থবক-থৌরম পূম্নমক চপ লেপখি।
রিমস ওপিদি কমপ্লেক্স তা চত্থখিবা প্রোটেষ্ট অদুদা ভাইওলেন্স হেজ নো প্লেস ইন হেল্থক্যের, প্রোটেক্ট দি হীল্লর্স, প্রোটেক্ট হেল্থক্যের, ট্রীট দাক্তর্স ৱিথ ক্যের, দে ট্রিট য়ূ ইভরিহ্বের হায়না ইবা প্লেকার্দ শিং খোঙজঙলোয়শিংনা শীজিন্নখি।
You may also like
-
এফ আই আর কয়ারক পানগে হায়বনো পানবিয়ু, এন আর সি থবক্তা ওন্থোক্ট্রিফাও শিরবসু খোঙজঙদি হল্লোই: জিতেন্দ্র
-
চহী অহুমগী মতূঙদা ইম্ফাল-দিমাপুর বস সার্বিস ঙরাংদগী হৌখ্রে
-
ঈরোল-ঈয়েক চাওখৎনবা হোৎনরম্লিবা লাইওইখ্রবা অহলশিংবু খক কাউরোইদবনি: সিবদট্ট লুৱাং
-
ৱাক্ফ বোর্দকি মেম্বর খনবদা নোন-মুস্লিম হাপচীল্লকপগী মায়োক্তা রেল্লি চৎখ্রে
-
এন আর সিগী দিমান্দ শোয়দনা মায় পাক্কনি হায়বগী থাজবা লৈ: চিফ মিনিষ্টর