লৈবাক অসীগী মফমশিং শীন্থুংনা পাঙথোক্নবগুম মনিপুরদসু স্টেট লৈঙাক্কি হোম দিপার্টমেন্টনা শীন্দুনা ঙরাং হর ঘর তিরঙ্গা থৌরম পাঙথোক্তুনা, মদূগী শরুক অমা ওইনা বাইকর লীশীং কয়ামরুম শরূক য়ারদুনা বাইক রেল্লি অমা পাঙথোকখ্রে।
ইম্ফালগী হপ্তা কাঙজৈবূংদগী চিফ মিনিষ্টর য়ূম্নাম খেমচান্দনা লমথাখিবা রেল্লি অদুদা মহাক মশামক্না বাইক থৌদুনা শরূক য়াখি। লমথাবগী থৌরমগা মরী লৈননা মীয়ামদা চিফ মিনিষ্টরনা হায়, লৈবাক অসীনা অদূঙৈ কুমশিং ১৯৪৭ কি আগষ্ট ১৫ দা ব্রিটিশকি খূত্তগী নীংতম্বা ফংখিবনি। মতমদুদগী ঙসীফাওবা ঐখোয়গী ইন্দিয়ানশিংনা চহী খূদিংগী আগষ্ট ১৫ দা জাতিগী মচু অহুমগী ফিরাল চিংখত্তুনা নীংতম্বগী নীংশীং থৌরম পাঙথোক্তুনা লাক্লি।লৈবাক অসীনা কুমশিং ২০৪৭ ফাওবগী মনূঙদা মালেমদা খ্বাইদগী মপাঙ্গল কল্লবা, খ্বাইদগী চাওখৎপা ইন্দিয়া অমা ওইহন্ননবা প্রাইম মিনিষ্টর নরেন্দ্র মোদিগী মঙলান অসী মঙফাওনহন্নবা ঐখোয়গী নহারোলশিংনা হোৎনগদবনি হায়না ফোঙদোকখি। হোম মিনিষ্টর গোবিন্দাস কোন্থৌজমসু থৌরমদুদা শরুক য়াখি।
ইম্ফালগী হপ্তা কাঙজৈবূংদগী লমথাখিবা হর ঘর তিরঙ্গা থৌরমগা মরী লৈনবা বাইক রেল্লিদু নেস্নেল হায়ৱে ১০২ পরীংদা চৎখিদুনা চান্দেল ডিষ্ট্রিক্টকি মনূঙচনবা লৈকুন্দা লৈবা ৮শুবা মনিপুর রাইফল্স কি কেম্পসতা লমথূঙফম ওইখি।
You may also like
-
পাউনম সুন্দর হৈঙাং কেন্দ্রদা এম দি পি এফকি মীরেপ ওইরগনি
-
চিফ মিনিষ্টরগী বাংলোদা থোমজীল্লকখিবা মীয়াম অথীংবা পীখ্রে
-
লম্বী-থোং শেম্বা লোইশিনবিরো, পোং লম্বীদা এম্বুলেন্স চৎপা য়াবা থোং শাবিয়ু: তোম্বা
-
মর্জর এগ্ৰিমেন্ট গী মায়োক্তা কৌখিবা টুটেল সটদাওন্না মহৌশাগী পুন্সিদা চাউনা অকায়বা পীখ্রে
-
বোম পোকখায়বা য়ানিংদবা ফোঙদোক্তুনা প্রোটেষ্ট তৌখ্রে, লূপ্নসু শেংদোরক্লি