কুমশিং ২০২৩ গী মে অহুমদগী হৌরকখিবা মৈতৈ-কুকি কম্যুনিটি অনীগী মরক্তা থোক্লিবা হীঙশাগী ঈরাঙ অসীগী মতাঙদা লৌখৎখিবা তোঙান তোঙানবা কেসশিং অথূবা মতমদা লোইশিন্দুনা মরী লৈনবা মীয়ামদা জষ্টিস ফংহন্ননবা ফাষ্ট ট্রেক কোর্ট অনী হাংদোক্নবা সুপ্রিম কোর্ট (এস সি) না গৌহাটি হায় কোর্টকি চিফ জষ্টিসতা খঙহনখ্রে।
এপেক্স কোর্ট অসিগী চিফ জষ্টিস সুরিয়া কান্ত, জষ্টিস জয়মালিয়া বাগচি অমদি জষ্টিস ভি মোহান্নাগী বেঞ্চ অমনা ঙরাং মনিপুরগী হীঙশাগা মরী লৈননা লৌখৎলিবা তোঙান তোঙানবা কেসশিংগী ইনভেষ্টিগেসন ষ্টেটস রিপোর্টশিং কূপ্না য়েংদুনা নৈনরবা মতূঙদা ফাষ্ট ট্রেক কোর্ট অনী লিংখত্তুনা, মনিপুরগী অখন্নবা ওইনা হীঙশাগী ঈরাং অসীগা মরী লৈনবা কেসখক্তমক লৌখৎতুনা মীয়ামদা অথূবা মতমদা জষ্টিস ফংহন্নবা থৌরাং পায়খৎলু হায়না খঙহনখিবনি। হৌজিক ফাওবদা চার্জসিট ফাইল তৌখ্রবা কেসশিংগী মপূঙ ফাবা রিপোর্ট অমসু পীখৎলক্নবা সুপ্রিম কোর্তনা মরী লৈনবা অথোরিটিশিংদা খঙহনখি।
সি বি আই অমদি এন আই এগী কোর্টনা মনিপুরগী হীঙশাগা মরী লৈনবা কেসখক্তমক ৱায়েল চত্থগদবনি। অতৈ কেসশিংদি অতোপ্পা কোর্টশিংদা ট্রান্সফর তৌথোকখিগদবনি হায়বা অকনবা ইন্সট্রক্সনসু এপেক্স কোর্ট অসীনা পীখি।
You may also like
-
শেমদোক্লবা সূ এগ্ৰিমেন্ট খূৎয়েক পীনখ্রে
-
অরিহানা সেনিয়র এসিয়ান এরোবিক জিম্নাষ্টিক চেম্পিয়নশিপ তা গোল্ড লৌদুনা ইন্দিয়াগী পুৱারি শেমখ্রে
-
প্রসিদেন্ট দ্রৌপদি মুর্মুনা তখেল্লম্বম রানিদা নেস্নেল হেন্দলুম এৱার্দ খূৎশীন্নখ্রে
-
ওর্গানিক ষ্টেট অমা ওইহন্দুনা লৌমীশিংগী শেন্থোক হেঙ্গৎহন্ননবা থবক পায়খৎলি: দেবদট্ট
-
ফুটবোল শান্নরিঙৈদা ব্রজ তারকপদগী প্লেয়ার অমা শিরে, ১২ না মৈনা চাকথেকপদগী লায়কন্নখ্রে