চৎলিবা জানুয়ারি থা অসিগী ১৪ দা হেল্পিং হেন্দ ফোর পিপলস মনিপুরনা শীন্দুনা ইম্ফাল ইষ্ট দিষ্ট্রিক্ট কি পোরোম্পাৎতা লৈরিবা জৱাহরলাল নেহরু ইন্সটিট্যুট ওফ মেদিকেল সাইন্সেস ( জেনিমস) তা পেদিয়াত্রিক পেসেন্ট অঙাঙশিংগীদমক লেম্না ঈ পীবগী থৌরমদা ঊখ্রূল দিষ্ট্রিক্ট কি সেসন্স জজ ওইনা লৈরিবি রিনা সেট্রো সু ব্লদ দোনেসন কেম্প অদুদা মশামক লাক্তুনা অনাবা অঙাঙশিংদা ঈ মতেং পাংনবগীদমক মশাগী ঈ লেম্না পীখ্রে।
ব্লদ সেন্টর জেনিমস কা খূৎশম্নদুনা পাঙথোকপা থৌরম অদুদা মশাগী ঈ লেম্না কৎখিবি সেসন্স জজ রিনানা হায়, সুপ্রিম কোর্ট না পীখিবা রূলিং অমগী মতূং ইন্না থল্লাসেমিয়া নারবা অনাবশিংগীদমক রিপ্লেসমেন্ট তৌদবিদা লেম্না ঈ পীবিগদবনি হায়বা অমদি লৈরি। অদূম ওইনমক পেদিয়াত্রিক পেসেন্ট অঙাঙশিংগীদমক রিপ্লেসমেন্ট তৌদবিদা লেম্না ঈ পীবগী প্রোগ্রাম চত্থরকপা অসীদি হেল্পিং হেন্দ ফোর পিপলস মনিপুরনা হন্দক চত্থরক্লিবা অসীনা ইন্দিয়াগী ওইনা ইহান হানবা অমনি। থৌওং অসী য়াম্না পূক্নিং থৌগৎনিঙায় মশক্নি হায়খি।
ঐখোয়না চাং নাইনা ঈ কত্রবদি ব্লদ বেঙ্কতা ঈগী ষ্টোক লৈরোই। ষ্টোক্তা ঈ ফংলক্ট্রবদি অঙাঙশিং ঈ ফংদবদগী শিখিবা তাবনি। মরম অসিনা ঐখোয়না তুংগী য়ূম্বীরেল ওইরক্ক দৌরিবা অঙাঙশিংগীদমক লেম্না ঈ চাং নাইনা পীবগী তঙায়ফদবা লৈরি হায়খি।
You may also like
-
কাংপোকপি তম্না সেক্যুরিটি এস্কোর্ট তৌদুনা অচা-অথক পুরকপদা মীয়ামগা মূক্নখ্রে
-
চিফ মিনিষ্টরনা লেকচররশিংগা ফম্মিন্নদুনা চাওখৎ-থৌরাংগী মতাংদা খন্নখ্রে
-
এ সর্দা রাজ্য সভাগী মেম্বর ওইনা ৱাশক লৌখ্রে
-
লিলোং হাওরৈবী ঙাঙৌ লৌকোল পল্লি তাবা লম্বী হান্নগী মতৌগুম পাকথোক্লগনি
-
খূরায়গী মীওই ৮৭৬ তা নফসাগী কার্দ য়েন্থোকখ্রে