লৈলোন ৱাইফৈ ভিল্লেজ গী লিয়াংমৈ নাগা মীচম ৬ হাৎপদা চেন্নৈ হায়দুনা ফাগৎপিননবা অমদি আইনগী চৈরাক পীবীনবা খূৎ থিন্দুনা, লৈঙাক্কি মফমদা হান্নদগী তকশীন্দুনা লাকখিবা পুলিস কন্সটেবল অমা হন্দক্তা পাঙদোকখিবা মনিপুর লেজিসলেটিব এসেমব্লিগী ৮ শুবা সেসন লোইখ্রবা মতূঙদা বিষ্ণুপুর দিষ্ট্রিক্ট পুলিসকি এস পিনা থোকখিবা ওর্দর অমগী মতূঙ ইন্না সস্পেন্দ তৌখ্রে।
মহাক হৌজিক কাংপোকপি দিষ্ট্রিক্ট পুলিসতা এট্টেচ তৌদুনা লৈবনি হায়রি। এস পিগী সস্পেন্সন ওর্দর অদুনা হায়রিবদি, থাঙ্গিলিয়েন ৱাইফৈ কৌবা পুলিস কন্সটেবল অদুগী মথক্তা এন আই এ ইম্ফাল ব্রাঞ্চকি এস পিনা হৌখিবা আগষ্ট ২৮ দা দোকখিবা চেরোল অমগী মতূঙ ইন্না মীওই অসীগী মথক্তা দিপার্টমেন্টেল ইনক্বারি চত্থরি হায়বা ৱাফম ফোঙদোকখিবগী মতূঙ ইন্না কন্সটেবল অসী সস্পেন্দ তৌবনি।
সস্পেন্সন্দা লৈরিঙৈ মতমদা মহাক কাংপোকপি দিষ্ট্রিক্ট পুলিসকি রিজার্ব লাইন্দা লৈগদবনি হায়বা ৱাফম পল্লি। হন্দক চত্থখিবা এসেমব্লী মীফমদা কংগ্ৰেসকি কে রঞ্জিৎনা কন্সটেবল অসীগী মতাঙদা হংলকখিবা ৱাহংগী পাউখুমদা কন্সটেবল অসীগী মরাল লৈবা থেংনদে হায়না ফোঙদোকখিবনি।
You may also like
-
এটি গী থৌমী ১৫০ হেনবনা ঈ দান তৌখ্রে
-
ষ্টেট সোং মীয়াম্না শক্নবগী প্রোটোকোল অমা শেম্বিয়ু: সুসিন্দ্রো
-
মীয়াম্না মতৌ করম্না খোঙজঙ চঙশীনগদগে হায়বদু লৈঙাক অসীনা লাউথোকপিরো: ঈমাগী মৈরা
-
নাগা-কুকিগী ঈরাং লেপহন্নবা অখন্নবা থৌশিল পায়খৎনবা ঐচ আর দব্লিয়ুনা খঙহল্লকখ্রে
-
লৈলোন ৱাইফৈ মীহাত্তা চেন্নবনি হায়বা মীওই ৪ গী মথক্তা এন আই এনা ইনভেষ্টিগেসন চত্থরি: গোবিন্দাস