য়ুনাইটেদ নাগা কাউন্সিল (য়ু এন সী) না নেস্নেল হায়ৱেশিংদা চত্থরিবা মতম কক্তবা ইকোনোমিক ব্লোকেদ অসী মপূঙফানা শৌগৎলি হায়না ৱার্কিং কম্মিটি, জোইন্ট ট্রাইব কাউন্সিল, মনিপুরনা ফোঙদোরক্লি।
কম্মিটি অসীনা থাদোরকপা চেরোল অমনা হায়, সেপ্তেম্বর ১২ দা চিফ মিনিষ্টর য়ূম্নাম খেমচান্দনা তমেঙলোং দিষ্ট্রিক্টকি নুংকাও ভিল্লেজদা চৎকদৌরিবা খোঙচৎ অসী বোইকোট তৌগনি। হৌখিবা মে ১৩ দা লিয়াংমাই নাগা ৬ ফাখ্রগা কুকি মিলিটেন্টনি চিংনবশিংনা তমথীনা হাৎখিবা থৌদোক অদু নুমিৎ ১১৯ শুরে। হকচাংশিং অদূ হৌজিক জেনিম্সকি মোর্গতা লৈরিবনি। মীহাৎ অসীগী মতাঙদা চেন্নরিবশিং মপূঙ ফানা চৈরাক পীননবা লৈঙাক অসীনা থবক পায়খত্রি।অসীগুম্বা তাঞ্জাসিদা রানি গাইদিনল্যুবু ঈকায় খুম্নবা ওইরবসু নত্রগা চাওখৎ-থৌরাংগী থবক পায়খৎপগী মতাঙ ওইরবসু, নাগাশিংনা খুন্দাবা মফমশিংদা ওফিসিয়েল প্রোগ্ৰাম অমত্তা পাঙথোকপা য়ারোই। নাগা মীচম ৬ হাৎখিবগী অচূম্বা ফংহন্দ্রিঙৈদা নাগাগী এরিয়াদা চৎকনি হায়রিবদু নাগা মীয়ামবু ঈকায়বা পীবনি হায়বা ৱাফম ফোঙদোরক্লি।
রানি গাইদিনল্যুগী পোক্নফম নুঙকাওদা চত্রিঙৈদা নাগা মীচম ৬ হাৎখিবা অদূগী জষ্টিস ফংহনগদবনি হায়রক্লি।
