নেস্নেল হায়দ্রোইলেক্ট্রিক পৱার কোর্পোরেসন (এন ঐচ পি সি) অমসুং মনিপুর লৈঙাক অনীনা পূন্না পায়খৎমিন্নদুনা লাকখিবা লোক্তাক দাউনষ্ট্রিম পৱার প্রোজেক্ট মূত্থৎনবা জুলাই ২৯ দা ফমখিবা মনিপুর লৈঙাক্কি কেবিনেট মীফম্না ৱারেপ লৌখ্রে। মৈ মেগাৱাৎ ৬৬ পুথোক্নবা পান্দমদা প্রোজেক্ত অসী পায়খত্তুনা লাকখিবনি। মনিপুরদা মৈ ৱাৎপগী খুদোংচাদবা কয়া মায়োক্নরিবা অসী কোকহন্ননবা ষ্টেট লৈঙাক্না অতোপ্পা ছোর্সতগী মৈ লৈনবগী অনৌবা থৌরাং তৌবা হৌখ্রে।
খোঙথাঙ অসীগী মখাদা নেস্নেল থর্মেল পৱার কোর্পোরেসন না ৱেষ্ট বেঙ্গলগী মুর্সিদাবাদ দিষ্ট্রিক্ট তা পায়খত্তুনা, হৌজিক মপূঙ ফানা চল্লাইরিবা ফারাকা সুপর থর্মেল পৱার প্লান্ট তগী মৈ মেগাৱাট ১০০ লৈরগা শীজীন্ননবা কেবিনেটনা ৱারেপ লৌখিবনি। মসীগীসু মথক্তা লৈঙাক অসীনা হীমাচল প্রদেশকী সিমলাদা লৈরিবা সটলুজ জল ভৈদ্যুট নিগম লিমিটেদ তগী অতোপ্পা মৈ মেগাৱাট ৫০ সু লৈননবা কেবিনেট মীফম অদুদা ৱারেপ লৌখি।
মতমদুদা মৈ হূরান্দুনা, আইন কায়বা মওংদা মৈ থানবা মীওইশিংনা মীয়ামদা থোকহল্লিবা খুদোংচাদবশিং অসিদগী ঙাকথোক্তুনা, মৈ লোন্না থানবা থিংননবা মখল-মখা কয়াগী থৌশিল পায়খৎনবগী মতাঙদসু কেবিনেট মীফম অদুদা কূপ্না খন্ন-নৈনখি হায়রি।
You may also like
-
বোম পোকখায়বা য়ানিংদবা ফোঙদোক্তুনা প্রোটেষ্ট তৌখ্রে, লূপ্নসু শেংদোরক্লি
-
এটি গী থৌমী ১৫০ হেনবনা ঈ দান তৌখ্রে
-
নাগাশিংনা ফাগৎপিয়ু হায়না খূৎ থিন্দুনা লাকখিবা পুলিস কন্সটেবলগী মথক্তা ইনক্বারি চত্থবা হৌখ্রে, সস্পেন্দ তৌখ্রে
-
ষ্টেট সোং মীয়াম্না শক্নবগী প্রোটোকোল অমা শেম্বিয়ু: সুসিন্দ্রো
-
মীয়াম্না মতৌ করম্না খোঙজঙ চঙশীনগদগে হায়বদু লৈঙাক অসীনা লাউথোকপিরো: ঈমাগী মৈরা