ইম্ফাল নোংচুপ পানাগী ফয়েং হায় স্কুলদা হাংবা রিলিফ কেম্পতা চঙজফম লৌরিবা লাঞ্জেন্নরবা ঈমূঙশিংগী নৌরিবা মহৈরোয়শিংদা য়ুনাইটেদ পিপলস ফ্রন্ট মনিপুরগী থৌমীশিংনা টেক্স বূকশিং য়েন্থোকখ্রে। মনিপুরগী বোর্দ ওফ সেকেন্দ রি ইদুকেসনগী মখাদা লৈরিবা লৈঙাক্কি স্কুলশিংদা তম্বা মহৈরোয়শিংগীদি লেম্না টেক্সবূকশিং ফংলি অদূবু প্রাইভেট স্কুলশিংদা মহৈ তম্লিবা মহৈরোয়শিংগীদি শেল তিংনা টেক্সবূকশিং লৈরগা মহৈ তমদবা য়াদ্রিবনি।
ফীভম অসী য়েংলগা ফ্রন্ট অসিনা খুদোংচাদ্রবা মহৈরোয়শিং অসিদা মতেং পাংবা ওইনা টেক্সবূকশিং অদূ পীখিবনি। প্রাইভেট স্কুলশিংদা এদমিসন তৌশিল্লুরগা টেক্স বূকশিং লৈবদি ঙমদ্রবা, লাঞ্জেন্নরবা অঙাঙশিংদা মখাতানা লূপ অসিনা পাংবা য়াবা মতেং পাংখিগনি হায়না ফ্রন্ট অসিগী এন রুপচন্দ্রনা ফোঙদোকখি।
ক্লাস ৱান্দগী এইট ফাওবদা মহৈ তম্লিবা নূপামচা অমসুং নূপীমচাশিংগীদমক টেক্স বূকশিং অদূ মতেং পাংখিবনি। খুন্নাই অসী মাঙলোমদা পুখৎকে হায়রবদি ইদুকেসন হায়বসি তঙায়ফদবা অমা ওইরি। হৌজিক লৈরিবা হীঙশাগী ঈরাং অসীনা মরম ওইদুনা লাইরিক-লাইশু নীঙথিনা তম্বা ঙমজদ্রবা, লাঞ্জেন্নরবা ঈমূঙশিংগী নৌরিবা মহৈরোয়শিংদা য়ুনাইটেদ পিপলস ফ্রন্টনা লেপ্পা লৈতনা অঙম্বা মতেং পাংখিগনি হায়না রুপচন্দ্রনা মখাতানা ফোঙদোকখি।
You may also like
-
কাংপোকপিদা কুকি-জো ফূরুপ্না কৌখিবা টোটেল সটদাওনগী খোঙজঙনা মহৌশাগী ওইবা পুন্সিদা চাউনা অকায়বা পীখ্রে
-
প্রোফেসার গঙ্গা প্রসাদনা এম য়ূগী অনৌবা ভি সি ওইরগনি
-
মেঘালয়াগী আই এ এস ওফিসারগী একাদেমিক বুকতা মালেমগী হেঙ্গৎলক্লিবা ইন্টরদিসসিপ্লিনারি নোলেজ ইকোনোমি দিমান্দগী মমি ময়েক শেংনা তাবা থেংনরে
-
স্মার্ট প্রিপেদ মিটরনা মহুৎ শিন্ননবা নোটিফিকেসন থোকখ্রে
-
এম্বুসতা শোক্তুনা শীজ হোস্পিটালদা লায়েঙলিবা মীচম অহুমগী ফীভম চিফ মিনিষ্টরগী টিম্না য়েংশিনখ্রে