ইন্দিয়াগী লুচিংবশিং অসীনা, মরুওইনা সেন্টরদা লৈঙাক্লিবা বি জে পিগী লিদরশিংনা মনিপুরগী মীয়াম অসী ইন্দিয়াগী সিটিজেন অমনি হায়না থবক পায়খৎলবদি হীঙশাগী ঈরাং অসী লোইশিনবা ঙমগনি হায়না কোর্দিনেটিং কম্মিটি ওন মনিপুর ইন্টিগ্ৰিটি ( কোকোমি) না ফোঙদোকখ্রে। ইন্দিয়ানা চাইনাবু কিদুনা অৱাং নোংপোক এসিয়া লমদমদা খৃষ্টিয়ন লৈবাক অমা লিংননবা কম্মিটমেন্ট পীথোকখিগদৌরব্রা হায়বগী অকিবা অমা মীয়ামগী থম্মোয়দা ফাওরকলি।
ইন্দিয়ানা চত্থরক্লিবা অরোন- অথূপ নাইবা থৌওং-থৌশিল কয়া অসী ঐখোয়না খঙমিন্নবা মথৌ তাই। মনিপুরদা হৌজিক লৈরিবা হীঙশাগী ঈরাং অসী কনাগুম্বা অমত্তগা দাইলোগ তৌনদুনা লোইশিনবা ঙম্লোই। ইন্দিয়ানা মখোয়গী জিও-পোলিটিক্স চত্থরক্লিবসি লেপ্তুনা মনিপুরগী মীয়াম অসী ইন্দিয়াগী সিটিজেন অমনি খল্লগা থবক পায়খৎলবদি হীঙশাগী ঈরাং অসী লোইশিনবা ঙমগনি হায়না কোকোমি গী কোর্দিনেটর সোমোরেন্দ্র থোকচোমনা ফোঙদোকখিবনি।
লম্ফেলদা লৈবা কোকোমিগী ময়ায় লোয়শঙদা পাঙথোকপা পাউমীশিংগা উনখিবা থৌরমদা মহাক্না ৱাফম অসী ফোঙদোকখিবনি। চহী অমগা থা নিপান হেল্লক্লবা হীঙশাগী ঈরাং অসী লোইশিন্ননবা ইন্দিয়া লৈঙাকনা থৌরাং অমত্তা পায়খৎলকপা লৈত্রি। মরম অদুনা মনিপুরগী মীয়াম ঙসীদি মীক্কপ থোক্লসি হায়না মহাক্না ফোঙদোকখি।
You may also like
-
হীঙশাগী ঈরাং অসীনা মীয়ামদি ৱাবনা খম থেংলে, খাং মথক্তা ঙৌরে: কংলৈপাল
-
জন্ননেটা ইরাবোতকি ১৩০ শুবা মপোক-কুম্মোন ষ্টেটকি থাক্তা পাঙথোকখ্রে
-
ইরাবত দে থৌরমদা শীৎ-শেংবগী থৌরম পাঙথোকখ্রে
-
এম এল এগী ইজ্জৎ শোকপা ৱাফম থম্লকপগী মায়োক্তা মীয়াম্না পেন্দবা ফোঙদোকখ্রে
-
আই দি পিশিং মহৌশাগী ময়ূমদা হঞ্জিলহনবিরো : কুল্লা মঙাং