কুকি- নার্কো টেরোরিষ্টশিংনা ঙাইহাক লৈতনা বোম অমসুং নোংমৈ কাপথরক্তুনা মৈতৈ ফূরূপকি মথক্তা লান্দারক্তুনা মীওই কয়া শিহল্লিবা অদুগা কয়া অমনা শোকহনখ্রবা ইম্ফাল ইষ্ট অমসুং কাংপোকপী দিষ্ট্রিক্ট কি লংদাইদা লৈরিবা সনাসাবী, থম্নাপোকপী অমদি য়াইঙংপোকপী এরিয়াদা লৈরিবা উয়োকচীঙ মথক্তা হন্দক্তা নৌনা পোষ্ট হাংদোক্তুনা লৈখ্রবা সেন্ট্রেল ফোর্স লৌথোকখিবা য়ারোই হায়দুনা মৈতৈ ফূরূপকি, মায়কৈ অদোমগী খুঞ্জা কয়ানা অহীঙ য়ারেক্তুনা অকনবা খোঙজঙ চত্থবা হৌখ্রে।
কুকি- মিলিটেন্টশিংনা ঙাইহাক লৈতনা বোম অমসুং নোংমৈ কাপশীল্লক্তুনা মীওই কয়া শিহল্লিবা অদুগা কয়া অমনা শোকহনখ্রবা মফম অসীদা মমাঙ চহী ২০২৪ গী অরোয়বা দিসেম্বর থাগী ২৩ গী অহীংদগী চঙলক্লিবা অনৌবা চহী ২০২৫ গী চহী হৌবগী ঈহান হানবা ন্যু ইয়ার নুমিৎ ফাওবদা মখোয়গী অরোয়বা খোঙহৌ-খোঙজঙ অমা ওইনা খ্বায়দগী অকনবা মওংদা অত্তৎ- অখম লৈতনা বোম, নোংমৈশিং কাপশীল্লক্তুনা,থৌদোক ৫০ রক হন্না লান্দারকখি। মদুদা ষ্টেট সেক্যুরিটি ফোর্স পার্স নেলশিং, মেদিয়াপার্সন নচিংবা য়াওনা মীওই কয়া অশোক- অপন মায়োক্ন খিবনি।
উয়োকচীঙদা সি আর পি এফ, বি এস এফ অমসুং ষ্টেট ফোর্স পূন্না থমদুনা মৈতৈ খুঞ্জাশিং ঙাক শেনবিগদবনি হায়না মৈরা পায়বী ঈমাশিং অমদি মায়কৈ অদূগী ক্লবশিংগী মেম্বরশিংনা ফোঙদোক্নখি। মনিপুর লৈঙাক অমসুং লম্লাই কেন্দ্রগী এম এল এ খোংবান্তাবম ইবোমচানা উয়োকচীঙ য়ৌবা লম্বী শেমগনি হায়না মীয়ামদা থাজবা পীখিবদু মতম হেল্লফাও শেম্বিদে হায়নসু মীয়াম্না পেন্দবা ফোঙদোকখি।
You may also like
-
কোহসেমগী ইগজাম হৌবা নুমিত্তা মহৈরোয়শিংনা মখোয়গী অন্সর স্ক্রিপশিং মৈ থাদোকখ্রে
-
কীষন,তোকেন,রাজেন লৈখিদবগী ১৭ লক শুবা নীংশীং থৌরম পাঙথোকখ্রে
-
ষ্টার্টঅপ ইকো সীস্তেমদা মনিপুরনা অৱাং নোংপোক লমদমদা মাঙজীল থানা চৎলি: চিফ মিনিষ্টর
-
মীতোপ খন্দোক্ট্রিফাওবা মীকোক থীবা য়ারোই:জে এফ দি
-
চিফ মিনিষ্টরনা ইম্ফাল রিভর রিজ্যুবনেসনগী থবক-থৌরম য়েংশিনখ্রে, লম্বী শেম্বগী থবক অথূবদা লোইশিন্ননবা খঙহনখ্রে