মনিপুরগী মরূওইবা য়াওল্লূপশিংগী মনূঙদা অমা ওইরিবা রিভোল্লুসন্নরি পীপলস ফ্রন্ট ( আর পি এফ) অমসুং মসীগী লান্মী শঙলূপ ওইনা লৈরিবা পিপলস লিবরেসন আর্মী (পি এল এ) লিংখৎখিবগী ৪৭ শুবা কুম্মোন থৌরম ঙরাং লূপ অসীগী তোঙান-তোঙানবা দিপার্ট মেন্টশিং, য়ুনিট অমসুং ষ্টেসনশিংদা মফমশিং অদূগী মীয়ামগী মপূঙফাবা সপ্পোর্ট কা লোয়ননা মপূঙফানা পাঙথোকখ্রে। আর পি এফ সেন্ট্রেল ব্যুরোগী মখাদা লৈরিবা দিভিজনশিংদা পার্টীগী ফীরাল, ফেষ্টূন, ষ্টারনচিংবা থেত্তুনা লোকেল মীয়ামগা পূন্না হরাও তয়াম্না কুম্মোন থৌরম পাঙথোকমিন্নখিবনা থৌরমগী মপূঙ ওইবা শক্তম ওইখি হায়রি।
পার্টিগী মায়কৈদগী অথূম- অহাওশিং মীয়ামদা য়েন্দুনা চামীন্নখি। মনিপুরদা য়েলহৌঙৈদগী হিংমিন্নরক্লিবা তোঙান-তোঙানবা কাঙলূপশিংগী মরক্তা নুংশি-চানবগী অচেৎপা লীপূনগা লোয়ননা ঈরমদম কন্ননবা থবক পায়খৎমিন্নরসি হায়রক্লি। লূপকি মশীঙ য়াম্লবা থৌমীশিংনা পার্টীগী ফীরালদা ঈকায়খুম্নখিবগা লোয়ননা ঈরমদম অসীগীদমক থৱায় কৎখ্রবা অথৌবশিংদা লৈ-শু কত্তুনা ঈকায়খুম্নবসু ঊৎখি।
য়াওল্লূপ অসীগী মপোক কুম্মোন থৌরমগা মরী লৈননা লূপকি এক্টিং প্রসিদেন্ট এম এম ঙৌবনা মীয়ামদা পীবা পাউজেলসু পাথোকখি হায়রি।
You may also like
-
মনিপুর স্পোর্টস ক্লাইম্বিং এসোসিয়েসনগী ফাউন্দেসন দে থৌরম পাঙথোকখ্রে
-
ট্যুবরকুলোসিস মরূ ফংনা মুত্থৎনবা পান্দমদা সেন্সিটাইজেসন পাঙথোকখ্রে
-
মীহাৎপদা চেন্নরে খঙলফাও মরাল লৈবশিংগী মথক্তা লৈঙাক অসীনা এফ আই আর অমত্তা লৌখৎপা লৈত্রিবসি লাইবক থীবনি : মনি
-
আই সি আই সি আই প্রুদেন্সিয়েলনা মেচ্যুরিটি বেনিফিট, লাইফ কভরগা লোয়নরবা য়ুলিপ লোঞ্চ তৌখ্রে
-
ৱারী লীবা ফেষ্টিভেল লোইশিনখ্রে