তোঙান তোঙানবা সোসিয়েল মেদিয়া প্লেটফোর্মশিংদা মথঙ চহী ২০২৬ কি মার্চ থাদগী হৌরগা সেন্টর লৈঙাক্না লৈবাক অসীদা চৎনরিবা লূপা ৫০০ চৎপী নোটশিং চৎনহল্লোইদৌরে, মূত্থৎননবা হোৎনরি হায়না শন্দোরক্লিবসি অরানবা, য়ূম্ফম য়াওদবা অমনি, অসীগুম্বা থৌরাং অমত্তা লৈঙাক্না লৌখৎপা লৈতে হায়না প্রেস ইনফোর্মেসন ব্যুরো (পি আই বি) গী রিপোর্ট অমদা খঙহল্লক্লি।
সেন্টর লৈঙাক্না লৈবাক অসীদা লৈরিবা লায়রবা মীয়ামগী খুদোংচাননবা, লাক্লিবা কুমশিং ২০২৬ কি মার্চ ফাওবগী মনূঙদা ইন্দিয়াদা লৈরিবা হ্বাইট লেভেল এ টি এম শিংগী চাদা ৯০ দা লূপা ১০০ অমসুং লূপা ২০০ চৎপী নোটশিং খক্তমক হাপকদবনি হায়না খঙহনবতনি হায়রক্লি। রিজার্ভ বেঙ্ক ওফ ইন্দিয়ানা হীরম অসীগী মতাংদা পব্লিক সেক্তর বেঙ্কশিং অমদি হ্বাইট লেভেল এ টি এম চল্লাইরিবশিংদা ওফিসিয়েল ওইনা খঙহনবা লৈখ্রে হায়রক্লি।
লায়রবা মীয়ামগী খুদোংচাননবা লূপা ১০০ চৎপী অমসুং লূপা ২০০ চৎপীগী দিনোমিনেসনশিং পব্লিক সেক্তর বেঙ্কশিংনা মরাং কায়না ফংহনগদবনি হায়বা অকনবা ইন্সট্রক্সন পীদুনা খঙহনখ্রবনি হায়নসু শেংদোরক্লি।লূপা ১০০/২০০ গী দিনোমিনেসন মরাঙ কায়না য়াওহন্দ বা এ টি এমশিং ককথৎলগনি হায়রকপগা লোয়ননা মীয়াম্না অসীগুম্বা সোসিয়েল মেদিয়াদা শন্দোরক্লিবা তোকঙা অসীদা থাজবা থম্বীগনু হায়রক্লি।
You may also like
-
মনিপুর স্পোর্টস ক্লাইম্বিং এসোসিয়েসনগী ফাউন্দেসন দে থৌরম পাঙথোকখ্রে
-
ট্যুবরকুলোসিস মরূ ফংনা মুত্থৎনবা পান্দমদা সেন্সিটাইজেসন পাঙথোকখ্রে
-
মীহাৎপদা চেন্নরে খঙলফাও মরাল লৈবশিংগী মথক্তা লৈঙাক অসীনা এফ আই আর অমত্তা লৌখৎপা লৈত্রিবসি লাইবক থীবনি : মনি
-
আই সি আই সি আই প্রুদেন্সিয়েলনা মেচ্যুরিটি বেনিফিট, লাইফ কভরগা লোয়নরবা য়ুলিপ লোঞ্চ তৌখ্রে
-
ৱারী লীবা ফেষ্টিভেল লোইশিনখ্রে