বিষ্ণুনহা য়ূথ ফেদরেসন য়াইরিপোক (বি ৱাই এফ ৱাই) না শীন্দুনা, ফেদরেসন অসীনা কোল্লিবা লৈকায়গী অকোয়বা মফমশিংদা লম-তু শেংদোকপগা লোয়ননা অকোয়বগী ফীভমশিং মোৎশীল্লক্লিবা, ঈশীঙ-নুংশিৎ শেংলক্ট্রিবা, ক্লাইমেট চেঞ্জগী অকিবা লাক্লিবা অমদি মালেম অসীদা শাবগী চাং নোংমা নোংমগী হেঙ্গৎলক্লিবা কয়া অসীদগী ঙাকথোক্নবা মালেমগী মীয়াম্না লৌখৎলক্লিবা থবক-থৌরমশিং অসীগী শরূক অমা ওইনা পাক-সন্না উ চারাশিং থাখ্রে।
সেব ক্লাইমেট হায়বা থিমদা পাঙথোকখিবা লম-তু শেংদোকপগা লোয়ননা ষ্টোপ য়ুজিং প্লাষ্টিক হায়বা মোটোগী মখাদা উ চারাশিং থাখিবা থৌরম অদূ পাঙথোকখিবদা চাউনা মতেং পাংলকখিবা য়াইরিপোক পুলিস ষ্টেসন অমদি য়াইরিপোক ম্যুনিসিপাল কাউন্সিলগী ষ্টাফ অমদি ওফিসারশিংবু বিষ্ণুনাহা য়ূথ ফেদরেসন য়াইরিপোককি প্রসিদেন্ট আনন্দ লাইশ্রম অমদি ফেদরেসন অসীগী মেম্বরশিংনা ঙমখৈ লৈতনা থাগৎপা ফোঙদোকখ্রে।
ৱার্ল্ড ইনভাইরনমেন্ট দেগা মরী লৈননা পাঙথোকখিবা উ থাবা অমদি লম-তু শেংদোকখিবা থৌরম অদুদা লৈকায়গী মৈরা পায়বীশিং অমসুং নহারোলশিংনা মপূঙ ফানা শরূক য়াখি।ঐখোয়না অকোয়বগী খল ঙাক্না থম্ননবা, অঈঙ-অশাগী ফীভম কায়হন্দনা থম্বা ঙম্ননবা হোৎনবদা ঈশা-ঈশানা অঙম্বা থাক্তা থৌদাং লৌমিন্নগদবনি, মী অমা অনীখক্না মসীগী মতাঙদা হোৎনরগা মপূঙফাবা ঙম্লোই, মালেম অসীদা লৈরিবা মীয়াম্না অমত্তা ওইনা হোৎনমিন্নবা মথৌ তাই হায়না আনন্দ লাইশ্রম না থৌরমদুদা ফোঙদোকখি।
You may also like
-
ওক্টোবর অমদা পঞ্চায়ৎ মীখল পাঙথোক্লগনি হায়বগী ৱারেপ ষ্টেট কেবিনেটনা লৌখ্রে
-
মনিপুর স্পোর্টস ক্লাইম্বিং এসোসিয়েসনগী ফাউন্দেসন দে থৌরম পাঙথোকখ্রে
-
ট্যুবরকুলোসিস মরূ ফংনা মুত্থৎনবা পান্দমদা সেন্সিটাইজেসন পাঙথোকখ্রে
-
মীহাৎপদা চেন্নরে খঙলফাও মরাল লৈবশিংগী মথক্তা লৈঙাক অসীনা এফ আই আর অমত্তা লৌখৎপা লৈত্রিবসি লাইবক থীবনি : মনি
-
আই সি আই সি আই প্রুদেন্সিয়েলনা মেচ্যুরিটি বেনিফিট, লাইফ কভরগা লোয়নরবা য়ুলিপ লোঞ্চ তৌখ্রে