ফ্রী মেদিকেল কম হেল্থ টোল্ক প্রোগ্ৰাম পাঙথোকখ্রে

ইম্ফাল ৱেষ্ট দিষ্ট্রিক্টকি মনূঙ চন্না লৈবা শীংজমৈ চীঙা মথক্তা লৈবা রিলিফ সেন্টর ফোর দি ৱেলফ্যের ওফ দিফরেন্টলি এবল্ড পার্সন্স মনিপুরনা তাঙ্কক নাইনা পাঙথোক্তুনা লাকপা আউটরিচ প্রোগ্ৰামশিংগী মনুং চন্না হৌখিবা থাংজা নুমিৎতা নেস্নেল ফাউন্দেসন ফোর ইন্দিয়াগা খূৎশম্নদুনা নোংমগী ওইবা মেদিকেল কেম্প কম হেল্থ টোল্ক প্রোগ্ৰাম অমা পাঙথোকখ্রে।
ইম্ফাল ইষ্ট দিষ্ট্রিক্টকি কামুচীঙ খুল্লেনদা লৈবা কম্যুনিটি হোলদা পাঙথোকখিবা থৌরমদুদা অনাবগী লায়না লাইওং মশক খঙদোক্তুনা লায়েঙ চত্থখিবা মীওই কয়াদা মথৌ তাবা হীদাক-লাংথকশিং লেম্না য়েন্থোকখি।রিম্সকি কম্যুনিটি মেদিসিন দিপার্টমেন্ট কি হেল্থ ইদুকেটর এম মেঘচন্দ্রনা কেন্সর, ট্যুবর্কুলোসিস অমদি তোঙান তোঙানবা নোন-কম্যুনিকেবল দিজিজ কয়াদগী ঙাকথোক্নবা লৈঙাক্না পায়খৎপা থৌরাংশিং অমসুং লায়নাশিং অসীদগী ঙাকথোক্নবা মীয়াম্না চেকশিনগদবশিং পল্লদুনা রিসোর্স পার্সন অমা ওইনা ৱাফম কয়া ফোঙদোকখি।
ব্লদ-সুগর, হেমোগ্লোবিন,ব্লদ গ্ৰূপ্নচিংবগী মতাঙদসু লেম্না টেষ্ট তৌখি। রিম্সকি দিপার্টমেন্ট কয়াগী স্পেসিয়েলিষ্ট দাক্তরশিংনা শরূক য়াদুনা চত্থখিবা মেদিকেল কেম্প অদুদা মখল কয়াগী লায়না -লাইওংশিং মশক খঙদোক্তুনা লায়েংখি।
থৌরমদুদা পোলিটিকেল এক্টিভিষ্ট সাপমচা কংলৈপালসু শরুক য়াখিবগা লোয়ননা রিলিফ সেন্টর ফোর দি ৱেলফ্যের ওফ দিফরেন্টলি এবল্ড পার্সন্স মনিপুরগী থৌমীশিং অমদি রিম্সকি দাক্তরশিংনা মীয়ামগী হকশেলগী ফীভম ফগৎহন্ননবা লৌরিবা থৌদাংশিংগী মরমদা শীংথারদুনা থাগৎপা অমদি তৌবিমল খঙবা ঊৎখি।