হৈরোক এসেমব্লি কনস্তিত্যুএন্সিগী মনূঙ চন্না পেচি এরিয়াদা লৈরিবা ঈমূঙ ৬০ গী মীওই ১৮০ হেন্না ইন্দিয়ান নেস্নেল কংগ্ৰেস (আই এন সী) তা নৌনা চঙলকখ্রে।
হান্না বি জে পি অমদি অতৈ পোলিটিকেল পার্টি কয়াদা য়াওরম্বা মীওইশিং অদূ ঙরাং, হান্নগী মিনিষ্টর অমদি হৈরোক এ সিগী এম এল এ ওইরমখ্রবা মোইরাংথেম ওকেন্দ্রনা মীয়াম, অমসুং হৈরোক ব্লোক কংগ্রেস কম্মিটিগী থৌমীশিংগা লোয়ননা হরাও-তরাম্না ওকখি। মীওইশিং অদুদা ব্লোক কোংগ্রেস কম্মিতিগী প্রসিদেন্ট থোকচোম রঞ্জন্না লেংয়ানফি য়ানবিরদুনা তৌবিমল খঙবা অমসুং ঈকায়খুম্নবা উৎখি।
হৈরোক ব্লোক কোংগ্রেস কম্মিতিগী সেক্রেটরি এম তৌরাংবা, এক্স-এম এল এ মোইরাংথেম ওকেন্দ্রগী লোয়নবী মোইরাংথেম ওঙবী সারিতা, থৌবাল দিষ্ট্রিক্টকি অধ্যক্স কে ঐচ সোভা অমদি লৌরেম্বম গ্ৰাম পঞ্চায়েটকি হান্নগী চ্যেরমেন য়ূম্নাম পর্সুরাম্নচিংবা শরূক য়াখি। হৌজিক হৌজিক মনিপুরদা মায়োক্নরিবা হীঙশাগী ঈরাঙ অসী লাকশীন্ননবা ঙসী ফাওবা ময়েক শেংনা, কনক্রিট ওইবা থৌরাং অমত্তা ষ্টেট বি জে পিগী লৈঙাক অসীনা লৌখৎলকপা লৈত্রি হায়না ওকেন্দ্রনা পেন্দবা ৱাফম থমখি।
লৈঙাক অসীগী রুলিং পার্টীগী এম এল এশিং মতীঙ লৈহন্নিংঙী, মথৌনা-মরীঙজেল লৈনা থবক তৌহন্নিংঙী। কংগ্ৰেস পার্টিনা লমদমসিদা সাসন তৌরিঙৈদা মনিপুরগী চীঙ-তম অনীমক্তা লো এন্দ ওর্দরগী ফীভম নীংথীনা ঙাক্তুনা থম্বা ঙমখিবা মরম্না হৌজিক মতমগী অসূম্না হীঙশাগী ঈরাঙ অমত্তা লৈখিদে হায়না হান্নগী মিনিষ্টর মোইরাংথেম ওকেন্দ্রনা মখাতানা ফোঙদোকখি।
You may also like
-
লোদ সেদিংগী প্রোগ্ৰাম লৈতে, মৈগী চাং য়ৌদবগীনি: রবি
-
দিকম্পোজ তৌরবা নূপীগী হকচাং অমা ফংলে
-
মণিপুর লম্বী অমদি হাংদোকখ্রে, অতোপ্প অমদনা ব্লকগেড মখা তানা চত্থরি
-
মনিপুরদা রিকগনাইজ তৌদবা অনৌবা খুল ৯৩৪ হেঙ্গৎলক্লে খঙলবসু লৈঙাক্না থৌশাদ্রিবা অসী অচৌবা চৈথেং মায়োক্নরক্কনি:তোম্বী
-
লৈঙাক অমসুং য়ূ এন সীগী মরক্তা ৱারী শান্নখ্রে