মনিপুর ষ্টেট কম্মিসন ফোর ৱিমেনগী চ্যেরপার্সন থুমলিপ তিনিংফাম মোন্সাংনা লুচিংবা কম্মিসন অসীগী টিম অমনা ঙরাং ইম্ফালগী ওল্ড লম্বূলেন্দা লৈরিবা মনিপুর সেন্ট্রেল জেলদা চত্তুনা মফম অদূদা লৈরিবা ইনমেট নূপীশিংগা উনদুনা, হৌজিক মখোয়না থেংনরিবা অৱাবা, খুদোংচাদবা কয়াগী পাউদম পূক্নিং চঙনা তাখিবগা লোয়ননা মখোয়গী ফংফম থোকপা, কন্সটিট্যুসন্না পীরিবা রাইটশিং অমসুং দিগনিটিগী মতাংদা খন্ন- নৈনখ্রে।
কম্মিসনগী টিম অদূনা লমদম অসীগী শোত্থরবা মীওইশিং, মরুওইনা নূপীশিংনা ফংফম থোকপা রাইট অমসুং দিগনিটিশিং মপূঙফানা ফংলিব্রা হায়বদু য়েংশিনবগা লোয়ননা মখোয়গী খুদোংচাদবা, অৱাৎপশিং অদূ মপূঙফানা ফংননবগীদমক খোঞ্জেল থোক্না লাউবা ঙমহন্ননবা কম্মিসন অসীনা ঙসিফাওবা হোৎনদুনা লাক্লি। মতূঙ তারকপদসু মীয়ামগী হক্কিদমক হোৎনখিগনি হায়না চ্যেরপার্সন থুমলিপ তিনিংফাম মোন্সাংনা ফোঙদোকখি।
ইনমেটশিংনা মমাঙদা করিগুম্বা অরানবা খরা তৌরুরে, মদূগীদমক দন্দি ফংলিবনি, খুন্নাই অসিদা মীয়ামগী মমাঙদা মায় থাঙ্গত্তুনা চৎপা ঙম্লরোই হায়বগী অপীকপা ৱাখল শাগত্তুনা ঈশাগী পূক্নিং-থম্মোয় শোন্থহনবা তৌরোইদবনি। মদূগী মহুৎ নীঙহন্নবা তৌদনা খুন্নাই অসীগী এসেট অমমম ওইননবা অৱাংবা পান্দমগা লোয়ননা থবক পায়খৎনবা হোৎনগদবনি হায়না থৌরমদুদা শরুক য়াখিবা এদভোকেট থীয়াম রাজকিশ্বরনা পাউতাক পীখি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি