ইম্ফালগী লাঙ্গোলদা লৈরিবা শীজা হোস্পিটাল এন্দ রিছার্স ইন্সটিট্যুট প্রাইভেৎ লিমিটেড না ইন্দিরা গান্ধী মেমোরিয়েল ( আই জি এম) হোস্পিটাল, আগরটালা, রাষ্ট্রিয়া বাল স্বাস্থিয়া কারয়াক্রম (আর বি এস কে), নেস্নেল রুরেল হেল্থ মিসন অমসুং ট্রিপুরা লৈঙাক্কি হেল্থ সর্বিসেস দিরেক্তরেটকা খূৎশম্নরগা নোংমগী ওইবা ফ্রী পেদিয়াট্রিক হার্ট স্ক্রিনিং কেম্প অমা আই জি এম হোস্পিটাল, আগরটালাদা পাঙথোকখ্রে।
কেম্প অদুদা অঙাঙ ২০ দা স্ক্রিনিং চত্থদুনা হার্ট কি লায়না- লাইওংশিং লৈব্রা য়েংশিনখি। শীজা হোস্পিটালগী স্পেসিয়েলাইজ তৌরবা কার্দিওলোজি এক্সপার্টশিংগী টিম অমনা কমপ্রেহেন্সিব আউটপেসিয়েন্ট কন্সল্টেসন পাঙথোকখিবগা লোয়ননা ইকোকার্দিওগ্ৰাফিক ( ইকো) স্ক্রিনিং গী থৌওং চত্থখি। থা অসীগী ২৮ গী অয়ূক পূঙ ১০ দগী নুংথিল পূঙ ৪ ফাওবা চত্থখিবা ফ্রী হার্ট স্ক্রিনিং কেম্প অদুদা অঙাঙ ২০ গী স্ক্রিনিং পাঙথোকখি হায়রি।
মখোয়শিং অদূ মপূঙফানা দাইগ্নোস তৌদুনা মখোয়গী থম্মোয়গী লায়না- লাইওংশিং তশেংনা মশক খঙদোক্লবা মতূঙদা ইম্ফালগী লাঙ্গোলদা লৈরিবা শীজা হোস্পিটালদা পুরক্তুনা মখাতাবা লায়েং চত্থরগনি হায়রি। কঞ্জেনিটেল অমদি এক্যার্দ হার্ট কন্দিসনশিং ঙন্না মশক খঙদোক্তুনা মতম চানা মেনেজমেন্টকি থবক- থৌরমশিং লৌখৎহৌদুনা নৌরিবা থৱায়শিংবু অশীবগী খয়াত্তগী কলহৌননবা পান্দমদা কেম্প অদূ পাঙথোকখিবনি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি