বিষ্ণুপুর দিষ্ট্রিক্ট কি মনূঙচন্না লৈবা য়ূথ মোদর্ন ক্লব, খা শঞ্জেনবম্না শীন্দুনা হৌখিবা এপ্রিল ৯ দগী ঙরাং ফাওবা ফুটবোল টিম ৩০ না শরুক য়াদুনা চত্থরকখিবা ফার্ষ্ট ৱাই এম সি ট্রোফি, সিক্স- এ সাইদ ভিল্লেজ ওপন ফুটবোল টুর্নামেন্ট, ২০২৫ লোইশিনখ্রে।
লোইশিনবা নুমিত্তা শান্নখিবা ফাইনেল ফুটবোল মেচতা ওল্ড ষ্টার ক্যামগৈনা শঞ্জেনবম এফ সিবু গোল ৩-২ দা মায়থীবা পীরমলগা ৱিন্নর ওইদুনা টুর্নামেন্ট অসীগী ট্রোফি লৌবা ঙমখ্রে। টুর্নামেন্ট অসীগী বেষ্ট প্লেয়রনা শঞ্জেনবম এফ সি গী ৱাহেংবম এদিসন্না ফংখ্রে। টিম অসীগী লাইশ্রম প্রেমকুমারনা বেষ্ট গোলকিপ্পর, হৈঙাং এফ সিগী সরেন্দরনা টোপ স্কোরর অমসুং বেষ্ট দিফেন্দরনা ওল্ড ষ্টার ক্যামগৈগী আরলেক্স না ফংখি।
থৌরমদুদা নম্বোল কেন্দ্রগী এম এল এ থৌনাউজম বসন্ত কুমার, ৱাঙ্গোয় কেন্দ্রগী হান্নগী এম এল এ ওইনাম লুখোই, নম্বোলগী এসদিও/বিদিও তোংব্রম শ্যামকুমার, বি জে পি নম্বোল মন্দলগী প্রসিদেন্ট অহোংশাংবম জিটেন অমসুং মশক নাইরবা অতৈ মীওই কয়ামরুম শরুক য়াখি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি