কুমশিং ২০২৫- ২৭ কি টার্মগীদমক থৌ পুগদবা ওল মনিপুর ৱার্কিং জর্নেলিষ্ট য়ুনিয়ন ( অমজু) গী নৌনা থৌ পুগদবা মেম্বরশিং খন্ননবা চৎলিবা মে থা অসীগী অমদা মীখল পাঙথোকখ্রবা মতূঙদা, হন্দক্কি মীখল অদুদা মায় পাক্লকখ্রবা প্রসিদেন্ট অমসুং ষ্টেন্দিং কম্মিটি মেম্বরশিংগী মীফম অমা হৌখিবা মে ৭ তা পাঙথোক্তুনা অপূনবগী ৱারেপ লৌখিবা অমসুং প্রসিদেন্টকি অয়াবা মতূঙ ইন্না থৌ পুগদবা মেম্বরশিং অদূনা পায়রগদবা পোর্টফোলিওশিং য়েন্থোক্তুনা মীয়ামদা লাউথোরকখ্রে।
মীফম অদূনা রিজোল্যুসন লৌদুনা লাউথোরকখিবগী মতূঙ ইন্না অমসুং নৌনা প্রসিদেন্টগী ফম পুখ্রবা আসেম ভক্তনা অয়াবা পীখিবগী মতূঙ ইন্না আসেম ভক্ত না প্রসিদেন্ট ওইবগা লোয়ননা মহাক্কি মখাদা থৌ পুরগদবশিংদি পোক্নফমগী সোরেনশংবম সোনিয়াদা ষ্টেন্দিং কম্মিটি অসীগী ভাইস প্রেসিডেন্ট ওইহনখ্রে।
আই এস টি ভি ন্যুজগী খ্বায়রাকফম নাউবদা জেনরেল সেক্রেটরি, ঐখোয়গী পন্থুং পাউচেগী লৈমপোকপম সঞ্জিৎকুমারদা ফাইনান্স সেক্রেটরি, ইম্ফাল টাইমসগী কোন্থৌজম গিতাদা জোইন্ট সেক্রেটরি, পাউজেলগী থীংবাইজম লখিকান্ট দা মনিপুর প্রেস ক্লবকি সেক্রেটরি, এস কে টিভিগী জয়ালক্সমি থাংজমদা পব্লিসিটি সেক্রেটরি, ঈচেল এক্সপ্রেসকি হাওবম প্রবিনকুমারদা গেমস এন্দ স্পোর্টস সেক্রেটরি, সনালৈবাক্কি লাইশ্রম কমলজিৎতা ইন্টর্নেল ওদিটর, ইম্পেক্ট টিভিগী ঈ ওজিৎকুমারদা মেম্বর অমসুং কংলৈপাক্কি মৈরাগী সুরজ চনমসু মেম্বর ওইখ্রে।