ঊরিপোক অপূনবা লূপ, ঊরিপোক নূপী অপূনবা লূপ অমসুং মায়কৈ অসীগী মীয়াম্না মনিপুরগী মীয়ামদা আপিল অমা তৌরকপগা লোয়ননা ঊরিপোক মায়কৈদা মীয়ামগী ওইবা ঈহৌ, খোঙজঙনচিংবা চঙশীল্লকপা মতমদা লূপশিং অসীদা মাঙজৌননা পাউ ফাওবিরম্মু, কো ওপরেসন অমদি কোর্দিনেসন লৈনা থবক পূন্না চঙশীনমিন্নসি হায়রক্লি।
মাঙজৌননা পাউ অমত্তা পীরম্বা তৌদনা মশা -মশাগী অপাম্বা অনীঙবা অমমমগী মখাদা চঙশীল্লকপা ঈহৌ নত্রগা মীয়ামগী খোঙজঙ অমত্তা শৌগৎলোই অদূগা ঊরিপোক মায়কৈদা অসীগুম্বা ঈহৌ অমত্তা চঙশীল্লকপসু য়ারোই, অথীংবা থমগনি হায়না খঙহল্লক্লি। ঊরীপোক ফাওরগা মীয়াম্না অনা লায়েঙবগা মরী লৈননা রিম্স, শীজ হোস্পিটাল অমদি অতৈ হেল্থ ফেসিলিটিশিংদা চৎনরিবা ঙাক্তনি।মরম অসীনা মীয়ামগী পুন্সি কনবগা মরী লৈনবা ওইবনিনা ঊরিপোক মায়কৈগী লম্বীশিং অসী মতম পূম্বদা মী অমদি গারী কা হেন্না চিনবা মফম হায়বদু ওইরিবনি।
মরম অসীনা অহীঙগী মতমদা অমসুং নুংথিলদা মীয়াম্না রেল্লি, দিমোন্সট্রেসন্নচিংবা পাঙথোক্তবা য়াদ্রে হায়রবসু মাঙজৌননা ঊরিপোক্কি লূপ অনী অসীদা পাউ পীবীরম্মু হায়বা ৱাফম থম্লক্লি। লূপশিং অসীনসু মাঙজীল থানা চোংথোক্তুনা মীয়ামগী খোঙজঙশিংদা মহৌশাগুম মতেঙ পাঙজগনি, মপূঙ ফানা শরূক য়াগনি হায়না ঊরীপোক অপূনবা লূপ কি পব্লিসিটি সেক্রেটরি চীংথঙনা মরী লৈনবশিংদা পাউজেল্লক্লি।
You may also like
-
ব্রিটিসনা কংলা খূদূম চনখিববু ঈপসা না অমম্বা নুমিৎ হায়না পালন থৌরম পাঙথোকখ্রে
-
চিফ মিনিষ্টরগী ৱাফম অরানবনি, সেন্সস তৌদ্রিঙৈদা এন আর সি হান্না পায়খৎকদবনি: জে এফ দি
-
শরূক য়াখিবা লৈতে, লান্না উহনবিগনু: মৈরা লূপ
-
ঊখ্রূলদা অরম্বাই তেঙ্গোল লৈরে হায়রকপা ৱাফম য়ূম্ফম য়াওদবনি: খাবা মঙাঙ
-
কোকোমিগী থৌমী ময়েংবম সোমোর্জিৎ মীয়াম্না ফূরকপদগী রাজ মেদিসিটিদা পুখত্তুনা লায়কন্নখ্রে