ইম্ফাল ইষ্ট দিষ্ট্রিক্টকি পেলেস কম্পাউন্দদা লৈরিবা উকল ময়ায় লোয়শঙগী মীৎয়েং মখাদা চীংফূ নিংথৌ সেম্বি লৈমা থৌগল লূপ ( সি এন এস এল টি এল) , ঈশোক চীংফূ চীঙলাকপনা শীন্দুনা ” উমংলাই হরাওবা” হায়বা হীরমদা নোংমগী ওইবা খন্ন-নৈনবা অমদি ৱাখল তামিন্নবগী থৌরম অমা পাঙথোকখ্রে।
চীংফূ নিংথৌ সেম্বি লৈমা হরাওবূংদা পাঙথোকখিবা খন্ন-নৈনবগী থৌরমদুদা ঈশোক গ্ৰাম পঞ্চায়েটকি চ্যেরপর্সন ৱারেপ্পম দেবেন, লৈমপোকপম জীল্লা পরিষদকি মেম্বর কাঙুজম জেম্স সিংহ, এস জে এ ব্রীক ফার্ম,চীংফূগী প্রোপ্রাইটর সেরাম জৱানবি সিংহ, সি এন এন এন্টরপ্রাইজেসকি প্রোপ্রাইটর হুইদ্রোম হেমন্ত, মনিপুর য়ুনিভর্সিতি ওফ কলচর গী এসিষ্টেন্ট প্রোফেসার দা.টিঐচ রুহিচান্দ, উকলগী ভাইস প্রেসিদেন্ট এম জিলাঙম্বা অমসুং লূপ অদূগী জেনরেল সেক্রেটরি এম মনিতোন্নচিংবা কয়ানা শরূক য়ারদুনা ৱাফম কয়ামরুম ফোঙদোকখি।
মনিতোন্না হায়, লাই হরাওরিঙৈ মতমদা মৈতৈগী নাৎ অমসুং চৎনবীগী ৱাংমদা অতোপ্পা জাতিগী ফিজেৎ – লৈতেং, অতোপ্পা লোন ঙাঙবা, মৈতৈগী কলচরগা মরী লৈনদবা কয়ামরুম তৌশিনবা য়াদে। উমংলাই হরাওবগী অচূম্বা মরম খঙজীনগদবনি।মৈতৈগী নাৎ অমসুং কলচর য়োকখৎপদা উমংলাই হরাওবগী মরূ ওইবশিং নৈনগদবনি। খঙদনা অখঙবা, হৈশিংবা শাদুনা পঙতৌ তৌশিনবা য়াদে। থৌরম পাঙথোক্লিঙৈদা তৌগদবা, তৌরোইদবা, য়াবা অমসুং য়াদবশিং অদূ ঐখোয়না য়াম্না কূপ্না য়েংশিনবা মথৌ তাই হায়খি।
You may also like
-
নোং কন্না তাবদগী লৌফম কয়া ঈশীং থুমজিনখ্রে, লম্বীশিং তুরেলগা পাঙ্খক ওইরে
-
মনিপুরগী ঈরাং অসীনা চাওখৎ-থৌরাংগী থবকশিং থীন্থহল্লে: দিরেক্টর
-
লমশাং কেন্দ্র অসী চাওখৎপগী খোঙজেলদা য়াঙনা চঙশীল্লক্লি: চিফ মিনিষ্টর
-
সেন্টরনা হায়র ইদুকেসন দিপার্টমেন্টগী সেক্রেটরি ভিনিট জোসি থাংদোকখ্রে
-
মনিপুরদা সেক্যুরিতি ফোর্সশিংনা খোংজং চেল্লে মিলিটেন্ত ৪ অমসুং ড্রাগস থোংবা নুপী অমা ফাগৎখ্রে