কুকি ইনপি মনিপুর অমদি চিন-কুকি নার্কো-টেরোরিষ্টশিংনা হন্দক, ঊখ্রূলদা অরম্বাই তেঙ্গোলগী মেম্বরশিং কেম্প তৌদুনা লৈরে হায়না ফোঙদোরকখিবদু য়ূম্ফম য়াওদবা অরানবা ৱাফম্নি হায়রি।
অরম্বাই তেঙ্গোল হেদ ক্বার্টর্সকি কন্ট্রোল রুম ওপরেটর ওইনা লৈরিবা খাবা মঙাঙনা খূৎয়েক পীদুনা থাদোরকপা চেরোল অমদা হায়, চিন-কুকি নার্কো টেরোরিষ্টশিংনা ঙাইহাক লৈতনা ৱাখলনা শাগৎলগা ওইদা-পাদবা ৱাফম কয়া শেম-শাদুনা ফোঙদোকপগী হৈনবী অমা লৈরি। মীয়াম্বু লান্না লমজীঙনবা অমদি কাঙলূপ-ফূরূপ মশেল মরক্তা য়েংথীননবা, হাৎনা-শুননবা মতম পূম্নমক্তা হোৎনরক্লিবা অসীদগী ঐখোয় চেকশীনগদবনি হায়না ফোঙদোরক্লি।
কুকি ইনপি মনিপুর না হন্দক ফোঙদোরক্লিবা ৱাফম, ঊখ্রূলগী শিকিবূঙদা অরম্বাই তেঙ্গোলগী মেম্বর ৫০ হেন্না লৈরে হায়না ফোঙদোরকপা অসী য়ূম্ফম য়াওদবা, অরানবনি। শিরূই ফেষ্টিবেল -২০২৫ দা অরম্বাই তেঙ্গোলনা শিরূই চীঙদোলদা সলাই তরেৎকী ফীরাল য়ুংখিবা অদুদা তাঙ্খুল -নাগা ফূরূপনা য়ানীংদবা ফোঙদোরকপা লৈখি।মদূগী মতূঙদা, অরম্বাই তেঙ্গোলনা মীয়ামগী অপাম্বা, অনীঙবগী মায়োক্তা করিগুম্বা থবক অমত্তা তৌখিবা লৈতে।অরম্বাই তেঙ্গোলগী পান্দমদি মনিপুরগী য়েলহৌমী পূম্নমক পূন্না, নুংশি-চান্ননা হিংমিন্নবা অমসুং ঈমালৈবাক মনিপুরগী অপূনবা শক্তম কনবা অমদি মচেৎ তাহন্দনবা হোৎনবা হায়বসিনি হায়না অরম্বাই তেঙ্গোলগী চেরোল অমদা ফোঙদোরক্লি।
You may also like
-
মৌলানা অব্দুল হাফিজ নদৱি লৈখিদবদা আই দি সি, মনিপুরনা অৱাবা ফোঙদোরক্লি
-
ব্রিটিসনা কংলা খূদূম চনখিববু ঈপসা না অমম্বা নুমিৎ হায়না পালন থৌরম পাঙথোকখ্রে
-
চিফ মিনিষ্টরগী ৱাফম অরানবনি, সেন্সস তৌদ্রিঙৈদা এন আর সি হান্না পায়খৎকদবনি: জে এফ দি
-
ঊরীপোক্কি লূপশিংনা মীয়ামদা আপিল তৌরক্লি
-
শরূক য়াখিবা লৈতে, লান্না উহনবিগনু: মৈরা লূপ