ইন্নর মনিপুর পারলিয়ামেন্টরি কন্সটিট্যুয়েন্সিগী লোক সভা এম পি দা. অঙোমচা বিমোল অকোয়জম্না মহাক্কি এম পি লোকেল এরিয়া দেভলপমেন্ট ফন্দ গী শেনফমদগী কাইথোক্লগা লৈবিরকখিবা এম্বুলেন্স, ইকো ভেন অমা ঙরাং বিষ্ণুপুর দিষ্ট্রিক্ট তা অহানবা ওইনা লমথাদুনা এম্বুলেন্স সার্বিস হৌদোকখ্রে।বিষ্ণুপুর দিষ্ট্রিক্টকি দিপ্যুটি কম্মিস্নরসু ওইরিবা ইন্দিয়ন রেদ ক্রোস সোসাইটি বিষ্ণুপুর দিষ্ট্রিক্ট ব্রাঞ্চকি প্রসিদেন্ট পুজা এলাংবম, আই এ এসনা ফ্লেগ ওফ তৌদুনা এম্বুলেন্স অদুগী অহানবা সার্বিস হৌদোকখিবনি।
লমদমসিগী মনূঙ হঞ্জিন্না লৈখ্রবা লায়রবশিংনা অনা-অয়েক য়াওরকপদা হোস্পিটাল য়ৌহন্ননবা অমসুং শেল তিংদনা অনাবশিং লেম্না পুথোক-পুশিন তৌবদা য়াম্না মতেং ওইরগদবা এম্বুলেন্স সার্বিস অদূ মতেং পাংবিরকখিবা এম পি বিমোলবু মায়কৈ কয়াদগী থাগৎনরক্লি।
ইকো ভেন এম্বুলেন্স লমথাখিবা থৌরমদুদা দিষ্ট্রিক্ট ব্রাঞ্চকি চ্যেরমেন দা. দব্লিয়ু গুলাপি, ভাইস প্রসিদেন্ট এম ইবেমহল, সেক্রেটরি দা. ঐচ রোমেন, জোইন্ট সেক্রেটরিশিং ঐচ শ্যামচান্দ অমদি এলাংবম প্রেমজিৎনচিংবা মীওইশিং শরুক য়াখি।নৌনা হাংদোরক্লিবা এম্বুলেন্স সার্বিস অদূনা লমদম অদোমগী অনাবা মীওইশিং মতম চানা হোস্পিটাল য়ৌহন্দুনা মীওই কয়াগী পুন্সি কনবা ঙম্লগনি হায়না শরুক য়াখিবশিংনা ফোঙদোক্নখিবগা লোয়ননা এম পি বিমোলবু থাগৎনখি।
You may also like
-
এফ আই আর কয়ারক পানগে হায়বনো পানবিয়ু, এন আর সি থবক্তা ওন্থোক্ট্রিফাও শিরবসু খোঙজঙদি হল্লোই: জিতেন্দ্র
-
চহী অহুমগী মতূঙদা ইম্ফাল-দিমাপুর বস সার্বিস ঙরাংদগী হৌখ্রে
-
ঈরোল-ঈয়েক চাওখৎনবা হোৎনরম্লিবা লাইওইখ্রবা অহলশিংবু খক কাউরোইদবনি: সিবদট্ট লুৱাং
-
ৱাক্ফ বোর্দকি মেম্বর খনবদা নোন-মুস্লিম হাপচীল্লকপগী মায়োক্তা রেল্লি চৎখ্রে
-
এন আর সিগী দিমান্দ শোয়দনা মায় পাক্কনি হায়বগী থাজবা লৈ: চিফ মিনিষ্টর