ইম্ফাল ৱেষ্ট দিষ্ট্রিক্ট মনূঙচন্না লৈরিবা থাংমৈবন্দ কেন্দ্রগী তোঙান-তোঙানবা লম্বীশিং অসী লাক্লিবা নোংমা-নীনী অসীগী মনূঙদা শেম্বা হৌরগনি হায়না কেন্দ্র অসীগী এম এল এ খুমুকচম জয়কিষন্না মীয়ামদা অচেৎপা ৱাফম ফোঙদোক্তুনা থাজবা পীখ্রে। ঙরাং মহাক্না কেন্দ্র অসীগী মফমশিংদা কোয়না চত্তুনা হৌজিক লৈরিবা লম্বীশিংগী ফীভম য়েংশিনখিবগা লোয়ননা মহাক্কি ৱাফম অসী ফোঙদোকখিবনি।
মহাক্না হায়, হৌজিক শেমগৎ-শাগৎলিবা সিৱরেজ প্রোজেক্ট অসী থাংমৈবন্দ কেন্দ্রগী তোঙান-তোঙানবা মফমশিং ফাওদুনা চৎপা মরম্না লম্বীশিং মপূঙফানা শেমগৎ-শাগৎপদা খুদোংচাদবা কয়ামরুম মায়োক্নরগা লাক্লি। অদূম ওইনমক হৌজিক্তি প্রোজেক্ট অসী অয়াম্বনা লোইশিল্লক্কদৌরে। মরম অদূনা লম্বীশিং মপূঙফানা শেমগৎ-শাগৎপদা খুদোং চাহল্লগনি। মথঙ চহী ২০২৬ ফাওবগী মনূঙদদি কেন্দ্র অসীগী লম্বী পূম্নমক মপূঙফানা শেম্বা ঙম্লগনি হায়খি।
কেন্দ্র অসীদা পায়খৎপা প্রোজেক্টশিং মীয়ামগী য়েংলগা অথূবা মতমগী মনূঙদা লোইশিন্দবা য়াদে। মরম অদূনা লৈঙাক্না পীরকপা ফন্দিংগী মথক্তা মহাক মশাগী লন্নাই শেনফমশিংসু হাপচীল্লগা লম্বী-থোং পূম্নমক মপূঙফানা শেম্বা লোইশিন্ননবা থৌরাং তৌরে হায়খি। য়েংশিন খোঙচৎ অদূদা শরুক য়াখিবা পি দব্লিয়ু দিগী এগজিক্যুটিব ইঞ্জিনিয়র ওইরিবা এল মেক্সনসু থাংমৈবন্দ কেন্দ্র গী লম্বী-থোংশিং ঙসী নোংমা-নীনীগী মনূঙদা শেম্ননবা থৌরাং পায়খৎলে হায়বা ৱাফম ফোঙদোকখি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি