ৱাংজিং- তেন্থা কেন্দ্রগী মনূঙচন্না লৈবা তেন্থা খূঞ্জাওদা নৌনা শাবা থোংজাউ অমা ঙরাং লমদম অদূগী সোসিয়েল ৱার্কর খেত্রিময়ূম প্রিয়োবর্ত না শঙ্গাদুনা মীয়ামদা শিন্নখ্রে।মতম কুইনা লৈঙাক্না মীৎয়েং চঙবীদনা লৈরকখ্রবা থোং অসী গারি মচা নত্তনা লৌমী- শিন্মী মীয়াম্না চৎথোক-চৎশীন তৌবা য়াদনা লাকখিবদগী তেন্থা মায়কৈগী লৌমী-শিন্মীশিংদা চাউনা খুদোংচাদবশিং মায়োক্নরগা লাকখিবনি।
তেন্থা মায়কৈগী লৌমী-শিন্মীশিংনা মখোয়গী লৌবূকশিং অমদি পাৎতা চৎথোক-চৎশীন তৌবদা খ্বায়দগী হেন্না মরুওইবা অমা ওইরিবা থোং অসী প্রিয়োবর্তনা মশাগী লৈজবা শেনফম পুথোকচরগা মীয়ামগী মপূঙফাবা মতেঙগা লোয়ননা শারদুনা ঙরাং শঙ্গাখিবনি।
নুঙাইরবা শঙ্গাবগী থৌরমদুদা তেন্থা গ্ৰাম পঞ্চায়েতকি হান্নগী প্রধান নাউরেম প্রদিপ, তেন্থা জিল্লা পরিষদকি মেম্বর খাঙেম্বম প্রিয়োজিৎ, গ্ৰাম পঞ্চায়েত অদূগী চ্যেরপার্সন মোইরাং সুবোল অমসুং লমদম অদোমগী মশীঙ য়াম্লবা মীয়াম শরুক য়াখি।লৈঙাক্না মতম শাংনা য়েংশিনবিরক্তবদগী মায়কৈ অদোমগী লৌমী- শিন্মীশিংগী চত্থোক-চৎশীন তৌবদা মায়োক্নরগা লৈরক্লিবা খুদোংচাদবশিং কয়াগী য়েংলগা মশানা অরৈবা শেনফম পুথোকচরগা থোংজাউ অদূ শারগা মীয়ামদা খূৎশীন্নজবনি হায়না প্রিয়োবর্ত না ফোঙদোকখি।
You may also like
-
ইম্ফালদা নেস্নেল ফার্মাসি চয়োল পালন পাঙথোকখ্রে
-
মীয়ামদা কিহল্লিবা কাঙবূগা মরী লৈনদে: রঞ্জিৎ
-
ওফিসারশিং পাক-সন্না ট্রান্সফর তৌননবা ই সি আইনা খঙহল্লকখ্রে
-
মেরা হৌ চোংবা থৌরম্না লমদমসিদা তঙদূ লৈতাবা পুরক্লসনু : নিংথৌ সনাজাউবা
-
সি এম খেমচান্দ না সূ দেজিগনেটেদ কেম্প তা হকথেঙননা চত্তুনা য়েংশিনবা মনিপুরগী অহানবা চিফ মিনিষ্টর ওইরে