বোক্সিং ফেদরেসন ওফ ইন্দিয়াগী মীৎয়েং মখাদা মহারাষ্ট্রা বোক্সিং এসোসিয়েসন্না শীন্দুনা হৌখিবা এপ্রিল মঙাদগী তরামাথোই ফাওবা নাগপুরগী দিভিজনেল স্পোর্টস কমপ্লেক্সতা পাঙথোকখিবা ৭ শুবা অন্দর সেভেন্টিন জুনিয়র বোইজ এন্দ গার্লস নেস্নেল বোক্সিং চেম্পিয়নশিপ তা মনিপুরগী মহূৎ শিন্দুনা শরূক য়ারুবা শান্নরোয়শিং অমসুং ওফিসিয়েলশিং ঙরাং ইম্ফালগী বির টিকেন্দ্রজিৎ ইন্টর্নেস্নেল এয়রপোর্টতা মীয়াম্না তরাম্না ওকখ্রে।
মনিপুরগী নূপামচা অমসুং নূপীমচাশিংগী ওইনা পূন্না শান্নরোয় ২৩ না হন্দক্কি চেম্পিয়ন্সিপ অদূদা শরূক য়াখিবনি। মনিপুরগী শান্নরোয় কারুং অলবর্টসন কোম না গোল্ড মেদল অমা লৌরকখিবগা লোয়ননা হন্দক্কি চহী অসীদা উজবেকিস্তান্দা পাঙথোক্কদৌরিবা এসিয়ন বোক্সিং চেম্পিয়নশিপ তা মহাকসু ইন্দিয়াগী টিমদা শরূক য়াবা ফংলগনি হায়রি।
মনিপুরগী টিমনা গোল্ড মেদল অমা, সিলভর মেদল অনী অমদি ব্রোঞ্জ মেদল অমা লৌরকখিবনি।