ঈং কুমশীং ১৯৮২ গী এপ্রিল ১৩ দা কোদোম্পোকপিদা ইন্দিয়ন সেক্যুরিটি ফোর্স কা শোক্নখিবা অকনবা লানফমদা থৌনা ফনা মরৈবাক্কিদমক থৱায়না পোন্থা পীখ্রবা আর পি এফকি লান্মী শঙলূপ পিপল্স লিবরেসন আর্মী (পি এল এ) গী লুচিংবা থৌদাম কুঞ্জবিহারি এলাইজ ওজা রঘু অমদি অমদি অতৈ থৌমী ৮ বু নীঙশীংদুনা, থাংমৈবন্দ গী চৈরাওচীঙ, কোদোম্পোকপী অমসুং তেকচমদা লৈরিবা মখোয়গী খুভমশিংদা, চহী খূদীঙগী পাঙথোকপগুম, ঙরাংসু মফমশিং অসীদা লৈরিবা অথৌবশিংগী খুভমদা মশীঙ য়াম্লবা মনিপুরগী কাঙলূপ পূম্নমক্তগী মীয়াম্না শরূক য়াদুনা হৈকৎ-লৈকৎ তমখিবা অদূগীদমক আইন্না থিংখ্রবা আর পি এফকি মায়কৈদগী ঙমখৈ লৈতনা থাগৎপগা লোয়ননা অপেনবা ফোঙদোরক্লি।
অথৌবশিং অদূগী মফমদা মনিপুরগী মহৈয়োয়শিং, ওজা, মৈরা পায়বী ইমাশিং, ঈচে-ঈচলশিং, ক্লব, এসোসিয়েসন, সিভিল সোসাইটি ওর্গানাইজেসনশীং, পুলিস পার্সনেলশিং অহল-লম্মন, মেদিয়াগী ঈচীল-ঈনাওশিং, ট্রান্সপোর্টরশিং পূম্নমক্কি মফমদা মপূঙফানা তৌবিমল খঙবা ঊৎলি হায়না য়াওল্লূপ অসীগী দিপ্যুটি সেক্রেটরি পব্লিসিটি রোবেন খূমন্না খূৎয়েক পীদুনা থাদোরকপা চেরোল অমদা ফোঙদোরক্লি।
You may also like
-
পাউনা বজারগী লম্বী শেমগৎপা,এরপোর্টকি টার্মিনেল বিল্ডিং শাগৎপগী থবকশিং চিফ মিনিষ্টরনা য়েংশিনখ্রে
-
পি এল এগী অথৌবা মাপন লৈখিদবা নুমিৎ ঈকায়খুম্নবা উত্তুনা অথৌবশিংগী নুমিৎ থৌরম পাঙথোকখ্রে
-
তরেৎশুবা অন্দর সেভেন্টিন জুনিয়র বোইজ এন্দ গার্লস নেস্নেল বোক্সিংগী শান্নরোয়শিং তরাম্না ওকখ্রে
-
মীয়ামগী খোঙজঙশিং অকনবা মওংদা চত্থরি
-
ট্রোংলাউবি থৌদোক্তা চেন্নরিবা মীফত্তশিং অকনবা চৈরাক পীগদবনি