মনিপুরগী ঊখ্রূল অমসুং কামজোং দিষ্ট্রিক্টশিংগী ম্যান্মারগা তাইননা লৈরিবা তাঙ্খুল নাগাগী খুলশিংদা কুকি মিলিটেন্টশিংনা ঙাইহাক লৈতনা এত্তেক চত্থরক্তুনা মীচমশিং হাৎপা, য়ূম মৈ থাবা অমদি মীয়ামগী প্রোপর্টিশিং পাক-সন্না মাঙহন-তাকহনবগী থৌওংশিং অসীনা মরম ওইরগা নাগা খুঞ্জাশিং অসূক্কি মতীক মিপাইবা পোক্নরে, খুল থাদোক্তুনা চেন্নরে, হৌজিক -হোরেন করি থোক্লগদগে হায়বা তম্বা ঙমদবা ফীভমদা লৈরে হায়না সিনাকৈথৈ খুঙ্গংগী তাঙ্খুল নাগা ভিল্লেজ অথোরিটিগী লুচিংবশিংনা চিফ মিনিষ্টর য়ূম্নাম খেমচান্দ সিংহদা পাউদম্বগা লোয়ননা সিনাকৈথৈ এরিয়াদা ইন্দিয়া রিজার্ব বট্টালিয়ন থম্বিনবা তকশীনখ্রে।
নাগা পিপল্স ফ্রন্ট (এন পি এফ) কি এম এল এ রাম মুইভাগা লোয়ননা লাকখিবা খুনগী লুচিংবশিং অদুনা ঙরাং চিফ মিনিষ্টরগী সেক্রেটরিয়েত্তা সি এমগা উনবদা ৱাফমশিং অসী ফোঙদোক্তুনা সি এমগী পূক্নিং চিংশিনখিবনি। হৌজিক লাঞ্জেন্নদুনা লৈরিবা খুঙ্গং অদূগী অৱাবা মায়োক্নরবা মীচম-মীয়াম অদূগীদমক তঙায়ফদনা চঙবা চান্ন-থক্ননবা পোৎলমশিংসু চাং নাইনা ফংহনবিনবা তকশীনখি।
মায়কৈ অদূগী লৈরিবা সব-দিভিজনেল কল্লেক্টরগী ওফিস মথৌ নীংথিনা তৌহনবিয়ু অদুগা সিনাকৈথৈ পুলিস ষ্টেসনগী মেনপাৱর, খূৎশু-খূৎলায়শিং মতমগা চান্নগদবা মওঙদা হাপকৎপিয়ু হায়বা ৱাফমশিংসু খুঞ্জাশিং অদূনা তকশীনখি। হৌজিক মায়োক্নরিবা মনিপুরগী হীঙশা অসী খূৎলায় পায়রিবশিং অসীদগী খূৎশু-খূৎলায় পূম্নমক থাদোকহল্লবা মতমদুদা মপূঙ ফানা লাকশীনবা ঙমগনি হায়না, থৌরমদুদা চিফ মিনিষ্টরনা ফোঙদোকখি।
You may also like
-
পাউনম সুন্দর হৈঙাং কেন্দ্রদা এম দি পি এফকি মীরেপ ওইরগনি
-
চিফ মিনিষ্টরগী বাংলোদা থোমজীল্লকখিবা মীয়াম অথীংবা পীখ্রে
-
লম্বী-থোং শেম্বা লোইশিনবিরো, পোং লম্বীদা এম্বুলেন্স চৎপা য়াবা থোং শাবিয়ু: তোম্বা
-
মর্জর এগ্ৰিমেন্ট গী মায়োক্তা কৌখিবা টুটেল সটদাওন্না মহৌশাগী পুন্সিদা চাউনা অকায়বা পীখ্রে
-
বোম পোকখায়বা য়ানিংদবা ফোঙদোক্তুনা প্রোটেষ্ট তৌখ্রে, লূপ্নসু শেংদোরক্লি