মনিপুরদা সেপরেট এদমিনিষ্ট্রেসনগী দিমান্দ তৌদুনা, ঈরমদম অসী মচেৎ তানা থুগাইরগা মখোয়গী তোঙানবা হোমলেন্দ পীগদবনি হায়না দাবী তৌরক্লিবা, মপান লৈবাক্তগী লোন্না চঙশীন্দুনা লৈরিবা চিন-কুকি নার্কো টেরোরিষ্টশিং অসী লাক্লিবা মে অহূমফাওবগী মনূঙদা সেন্টর অমসুং ষ্টেট লৈঙাক্না কোক চূঙশীন্নরগা তকথোকখিগদবনি।
মতম অসীফাওবগী মনূঙদা ফোরেন্নর কুকি টেরোরিষ্ট শিং অসি লৈঙাক্না তকথোক্তুনা মরমদমদা হলহনখিবা নত্রগা আইনগী অকনবা চৈরাক পীবা ঙমদ্রবদি মথঙগী নুমিৎ, মে ৪ দগী, আই দি পি অমা ওইনা, শিদ্রিফাওবা চরা হেনবগী খোঙজঙ চঙশীল্লগনি হায়না ৱাংজম প্রেমজিৎ না ফোঙদোকখ্রে। থম্বাল মরীক কোল্লেজ, ওইনামদা হাংলিবা রিলিফ কেম্পতা চঙজফম লৌদুনা লৈরক্লিবা, বিষ্ণুপুর দিষ্ট্রিক্টকি মনূঙচন্না লৈরিবা তোর্বূঙদগী লাঞ্জেন্নরকপশিংগী মনূঙদা অমা ওইরিবা প্রেমজিৎনা ৱাফম অসী পাউমীশিংদা ফোঙদোরকখিবনি।
মহাক্না হায়, নূপী অঙাঙ খাক্তনা য়েলহৌমী ওইরিবা ঐখোয় মৈতৈ ফূরূপকি মীয়াম পাক্তক্ননা কুকি মিলিটেন্টশিংনা হাৎলক্লবা মতম অসী য়ৌরফাওবদা লৈঙাক অসীনা ঙসী টেরোরিষ্ট অমফাওবা ফাদুনা আইনগী ওইবা চৈরাক পীখিবা লৈত্রি। মসী য়াম্না পাঙদবা, মশাগী দাইত্য খঙজদবা অমসুং মরৈবাক্কি মীয়ামগীদমক করিসু খন্থদবা মতৌনি হায়না থমখি। লৈঙাক অসী মীয়ামগী চৈবী-চৈথেঙ অমা অথূবা মতমদা শোয়দনমক মায়োক্নরগনি হায়না প্রেমজিৎ না ফোঙদোকখি।
You may also like
-
এন পি সি আইনা কঞ্জুমর এৱ্যের্নেসকি থবক পাক-সন্না লৌখৎলক্লি
-
সি এম য়াওনা বি জে পিগী মিনিষ্টরশিং, এম এল এ অমদি থৌমী পূম্নমক খোংজোম দে থৌরমদা শরুক য়াবদা অথীংবা থম্লে: কোকোমি
-
প্রিথীবিরাজগী য়ূমদা লেম্না মীৎ লায়েংবগী কেম্প পাঙথোকখ্রে
-
শূমাঙ লিলাগী শক্নায়রবা আর্টিষ্ট ককচীং কোমোল লৈখিদ্রে
-
ট্রোংলাউবি থৌদোক্কি জে এ সিগা সি এমগা উনদুনা ৱাফমশিং খন্নখ্রে, কেবিনেট মীফম পাঙথোকখ্রে