সেন্টরদা লৈঙাক্লিবা লুচিংবশিংদা মখোঙ পায়দুনা নোঞ্জরগা লৈঙাক্কদবগী শরূক, মীখা পোনবা হৈনখিদবা ঈপা-ঈপূশিং অদূগী খূদূং ইন্দুনা শিজখিবনা শরূক চাম্মা চাম্মা হেন্না ফৈ হায়না মনিপুরগী হান্নগী চিফ মিনিষ্টর ওক্রম ইবোবিনা ফোঙদোকখ্রে। ইন্নর মনিপুর পার্লিয়ামেন্তরি কন্সটিট্যুয়ন্সিগী লোক সভা এম পি দা.অঙোমচা বিমোল অকোয়জম্না এম পি ওইরকখিবা চহী অনী মপূঙ ফারকপগা মরী লৈননা ইম্ফালগী জৱাহরলাল নেহেরু মণিপুর দান্স একাদেমীগী হোলদা পাঙথোকখিবা থৌরম অমদা এম পি সি সীগী প্রসিদেন্ট ওইনসু লৈরিবা হান্নগী চিফ মিনিষ্টর অমসুং থৌবাল কেন্দ্রগী এম এল এ ওক্রম ইবোবিনা ৱাফম অসী ফোঙদোকখিবনি।
মহাক্না হায়, মনিপুর অসী চহী লীশীং কয়ামরুম কনাগীসু মীখা পোন্দনা প্রিন্সলি রুল তৌজরকপা, মনীং তম্বা লৈবাক অমনি।ঈশাগী তোমথিন ওইবা কলচর, কষ্টম্স, ট্রেদিসন ময়েক শেংনা লৈজরিবা লমদম্নি। মতমগী মতূঙ ইন্না হৌজিক ইন্দিয়াদা পূল্লুরে। দেমোক্রেসি চৎপা লৈবাক অমদা মীয়ামগী খোল্লাউ, অনীংবা, অপাম্বা লৈঙাক্না পাঙথোক্কদবনি অদূবু মনিপুর অসী মীশীং য়ামদবগীরা নত্রগা করি করম্বা মরমগীনো খঙদে, ঙসীফাওবা ঐখোয়গী খোল্লাউশিং ইন্দিয়ানা তাবীদবগুম তৌদুনা লাক্লি হায়খি।
লৈঙাক্না পায়খৎপা অশোয়বা থবক-থৌরমশিং অদূ মীয়াম্না য়ানিংদবা, পামদবা য়াওরবদি খূৎ থিন্দুনা তাক্কদবনি। মদূ পাঙথোক্তনা, নমশীন্দুনা থম্লিবা লৈঙাক অদূ মীয়াম্না ঈন্থূবা তাই হায়না থৌরমদুদা ৱা ঙাঙবদা এম পি বিমোলনা ফোঙদোকখি।
You may also like
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সোসিয়ল মেদিয়াগী চৈথেঙ মরক্তা অচূম্বা খন্দোকপদা অৱাবা কয়া মায়োক্নরি: হুংয়ো ৱার্সং
-
অরম্বাইগী থৌমী ফাজীনখিবগী মায়োক্তা ৱাকৎ মীফম কয়া চত্থরি