দেমোক্রেসি চৎপা লৈবাকশিংদদি মেদিয়াগী থৌদাং অসি য়াম্না হেন্না চাউরি। চাওখৎপা, ঈং-তপ্পা লৈবাক অমা ওইহন্নবা হোৎনবা অমদি লৈঙাক অদূগী থৌশিল-থৌরাংশিং মীয়ামদা খঙহন্নবা হোৎনবদা মেদিয়াগী অচৌবা থৌদাং লৈরিবনি হায়না মনিপুর লৈঙাক্কি দিরেক্তরেট ওফ ইনফোর্মেসন এন্দ পব্লিক রিলেসন্স (দি আই পি আর)গী দিরেক্তর দা. টি ঐচ চরঞ্জিৎনা ফোঙদোকখ্রে।
প্রাইম মিনিষ্টর নরেন্দ্র মোদিনা লুচিংবা এন দি এনা সেন্টরদা লৈঙাক পায়রকপা চহী ১২ মপূঙ ফারকপগা মরী লৈননা ইম্ফালগী ওল্ড লম্বুলেন্দা লৈবা হোটেল ইমোলেজদা ঙরাং পাঙথোকখিবা মেদিয়া ৱার্কসোপ্তা চরঞ্জিৎনা ৱাফম অসি ফোঙদোকখিবনি।মিনিষ্ট্রি ওফ ইনফোর্মেসন এন্দ ব্রোদকাস্তিংগী মখাদা লৈরিবা প্রেস ইনফোর্মেসন ব্যুরো, রিজনেল ওফিস ইম্ফালনা শীন্দুনা পাঙথোকখিবা ৱার্ক্সোপ অদূদা চরঞ্জিৎনা মখা তানা হায়, দেমোক্রেসি চৎলিবা ইন্দিয়াগুম্বা লৈবাক অমদদি মীয়াম হায়বসিনা মরুনি, মপূঙনি। মীয়াম্না লৈঙাক্কি হৌরকফম্নি অদূগা অরোয়বা অথোরিটিসু মীয়াম্নি।
দেমোক্রেসি চৎপা লৈবাক অমদা নীংথীনা লৈঙাক-সাসন তৌগে হায়রবদি লৈঙাক্কি য়ূম্বী পূম্নমক মপূঙ ফানা ঙাক্লৌ পীবা তাই। দিপার্টমেন্ট শিংনা পায়খৎলিবা থবক-থৌরম পূম্নমক মীয়ামগী য়াইফনবা ওইবা মরম্না মীয়ামদা মদূ পূম্নমক্তু মপূঙ ফানা য়ৌহন্দুনা খঙহনবা তাবনি। মীয়ামদা মদূ খঙহনবা, য়ৌহনবা হায়বসিনা মেদিয়ানা লৌরিবা থৌদাংনি হায়খি।
You may also like
-
লোদ সেদিংগী প্রোগ্ৰাম লৈতে, মৈগী চাং য়ৌদবগীনি: রবি
-
দিকম্পোজ তৌরবা নূপীগী হকচাং অমা ফংলে
-
মণিপুর লম্বী অমদি হাংদোকখ্রে, অতোপ্প অমদনা ব্লকগেড মখা তানা চত্থরি
-
মনিপুরদা রিকগনাইজ তৌদবা অনৌবা খুল ৯৩৪ হেঙ্গৎলক্লে খঙলবসু লৈঙাক্না থৌশাদ্রিবা অসী অচৌবা চৈথেং মায়োক্নরক্কনি:তোম্বী
-
লৈঙাক অমসুং য়ূ এন সীগী মরক্তা ৱারী শান্নখ্রে