হৌখিবা নোংমাইজিং নুমিৎকি অয়ূক পূঙ ৮.৩০ রোম তারকপা মতমদগী হৌজিক ফাওবদা রসিয়ান এয়র দিফেন্স ফোর্সেসনা য়ুক্রেনগী দ্রোন ১২০ হেন্না কাপথদুনা মাঙহনখ্রে হায়না রসিয়ান দিফেন্স মিনিষ্ট্রিগী ষ্টেটমেন্ট অমদা ফোঙদোরকখ্রে।
হৌখিবা নোংমাইজিং নুমিৎকি অয়ূক পূঙ ৯ লোম তারকপদগী নুংথিল পূঙ অহুমফাওবদা রসিয়াগী মোস্কো লমদম তম্না পাইশিল্লকখিবা য়ুক্রেনগী দ্রোন অমা রসিয়ান দিফেন্স ফোর্সেসনা কাপথখি অদূগা অতোপ্পা ৩৪ সু কাপথখি হায়রি। নোংথক্তা কায়বদগী লৈমায়দা তাশিল্লকখিবা য়ুক্রেনিয়ন দ্রোনগী অতেক- অকায়শিংনা পানবদগী মীওই অমা শিখি হায়না রসিয়ান দিফেন্স মিনিষ্ট্রিগী ষ্টেটমেন্ট পল্লদুনা জিনহুৱা ন্যুজনা ফোঙদোরকখি।
নাকল অমরোমদনা, রসিয়ান দিফেন্স ফোর্সেসনা নোংথক্তগী দ্রোন ১০০ রোম শীজীন্নদুনা য়ুক্রেন্দা অকনবা এত্তেক চত্থরকখিবনি, রসিয়াগী নোংথক্তা য়ুক্রেনগী দ্রোন অমত্তা চঙশীল্লুবা লৈখিদে হায়না য়ুক্রেন্না ফোঙদোরকখি।