মনিপুরি লোল অমসুং মসীগী ময়েক্না অসুম অসুম খূমাঙ চাওশীল্লক্তুনা ঙসীগী থাক অসিদা য়ৌরক্লিবসি লাই ওইখ্রবা অদুঙৈগী অহল-লম্মনশিং অদূনা তূম্বা চাবা থিদনা মতম কয়া চঙনা হোৎনবিরম্বা অদুগী মহয়নি। ঙসীগী মীরোল ঐখোয়না অহলশিং অদূবু খক কাউথোক্লোইদবনি হায়না মাইস্নাম সিবদট্ট লুৱাংনা ফোঙদোকখ্রে।
ৱাখল্লোন মান্নবা অপূনবা ৱামা কংলৈপাক্না চহী খূদীংমক্কী আগষ্ট ২০ না লাকপদা, অদূঙৈ কুমশিং ১৯৯২ গী আগষ্ট ২০ দা মনিপুরি লোলনা ইন্দিয়ান কন্সটিট্যুসনগী ৮শুবা সেদ্যুলদা চনখিবা নুমিৎ অদূবু নীংশীংদুনা থৌরমশিং পাঙথোক্তুনা লাকপগুম ঙরাংসু জি পি ৱিমেন্স কোল্লেজগী সেন্ট্রেল হোলদা পাঙথোকখি। থৌরমদূদা অথোয়বা মীথূঙলেন ওইনা ৱা ঙাঙবদা সিবদট্টনা ৱাফম অসী ফোঙদোকখিবনি।
অতৈ লোলগী ৱাহৈ কয়ামরূম ঈশাগী মনিপুরি লোলদা হন্দোক্তুনা শীজিন্নবা হৌরক্লিবসি ঈরোল অসী চাওখৎলকপগী খূদম অমনি হায়না মহাক্না মখা তাখি।
থৌরমদুদা জি পি ৱিমেন্স কোল্লেজগী মনিপুরি দিপার্টমেন্টদা হেদ ওইনা লৈরিবা দা. ৱাইখোম রোমেশ,ৱামাগী পাউতাকলোয় নামোইজম তোম্বা, সোসিয়েল এক্টিভিষ্ট ব্রজকিশ্বর লাইশ্রম, এজি মেমোরিয়েল একাদেমি, চরাংপাৎকি প্রিন্সিপাল থিয়াম মাষ্টর, সোসিয়েল এক্টিভিষ্ট খেত্রিময়ূম অরুন নচিংবা শরূক য়াখি।
You may also like
-
বি জে ৱাই এমনা এম পি বিমোল ফম থাদোক্কদবনি হায়না প্রোটেষ্ট তৌখ্রে, পুৱারিদা খ্বাইদগী নোক্নীংবা থৌদোকনি হায়খ্রে
-
শৈখ হাসিনা মরৈপাক্তা হল্লগনি হায়না ফোঙদোকখ্রে
-
মাইবা-মাইবিদা থৱায় লূপ্পীরুরনু, মেদিকেল সাইন্স খম থেংনা চাওখৎলবনি: এম এম সি
-
ঈরাঙ নংলবা মনিপুরগী কেপিটেল সিটি কাঙ-হয়ীংগী লৈফম ওল্লে
-
লৌমীশিংগী ওর্গানাইজেসন মপাঙ্গল কনখৎহনবা তঙায়ফদে: বিজু ক্রিষ্ণানন