কুমশিং ২০২৩ গী মে অহুমদা অহানবা ওইনা হৌরকখিবা মনিপুরগী অকনবা হীঙশাগী ঈরাং অসীনা মরম ওইরগা হৌখিবা চহী অহুম হেন্না ইম্ফাল-দিমাপুর লম্বী হায়রগসু খঙনরিবা নেস্নেল হায়ৱে নম্বর-২ দা পেসেঞ্জর বস অমত্তা সার্বিস তৌদনা লাকখ্রবা মতূঙ, মনিপুরগী চিফ মিনিষ্টর য়ূম্নাম খেমচান্দ সিংহগী অখন্নবা ইনিসিয়েটিবকি মখাদা ঙরাংদগী পেসেঞ্জর গারী চৎপা হৌখ্রে।
কাংপোকপি ফাওদুনা চেনবা হৌখিবা পেসেঞ্জর বসশিং অদূদা মৈতৈ কাঙলূপকি মীওই কয়াসু অশোয়-অঙাম থোক্কনি হায়বগী চিংনবা, অকীবা অমত্তা পূক্নীংদা ফাওদনা মনিপুরগী মপান্দা চৎপা হৌখ্রে। ষ্টেট লৈঙাক্কি ট্রান্সপোর্ট দিপার্টমেন্টনা শীন্দুনা ইম্ফালগী খুমন লম্পাক্তা লৈরিবা আই এস বি টি কমপ্লেক্সতা পাঙথোকপা নৌনা বস সার্বিস হাংদোকপগী অমদি বস লমথাবগী থৌরমদুদা থাঙ্গা কেন্দ্রগী এম এল এ তোংব্রম রোবিন্দ্রো, কৈরাউগী এম এল এ লৌরেম্বম রামেশ্বর, কুম্বী কেন্দ্রগী এম এল এ ওইনা লৈরিবা এস প্রেমচন্দ্রসু শরুক য়াখি।
ঙরাং অহৌবা নুমিত্তা বস অনী, ৱিঙ্গর মঙা গুৱাহাটিগীদমক ইম্ফাল থাদোকখি। মৈতৈ ফুরূপকি য়াওনা তোঙান তোঙানবা ফূরুপকি পূন্না পেসেঞ্জর ১২৫ না ইম্ফাল থাদোকখি।
You may also like
-
এফ আই আর কয়ারক পানগে হায়বনো পানবিয়ু, এন আর সি থবক্তা ওন্থোক্ট্রিফাও শিরবসু খোঙজঙদি হল্লোই: জিতেন্দ্র
-
ঈরোল-ঈয়েক চাওখৎনবা হোৎনরম্লিবা লাইওইখ্রবা অহলশিংবু খক কাউরোইদবনি: সিবদট্ট লুৱাং
-
ৱাক্ফ বোর্দকি মেম্বর খনবদা নোন-মুস্লিম হাপচীল্লকপগী মায়োক্তা রেল্লি চৎখ্রে
-
এন আর সিগী দিমান্দ শোয়দনা মায় পাক্কনি হায়বগী থাজবা লৈ: চিফ মিনিষ্টর
-
ট্রকশিং মতম চানা ইম্ফালদা য়ৌরকখ্রে