পিপল্স রিভোল্যুসন্নরি পার্টি ওফ কংলৈপাক -প্রোগ্ৰেসিব (প্রিপাক-প্রো) লিংখৎখিবগী ১৬ শুবা কুম্মোন থৌরম ঙরাং মনিপুর অমদি মনিপুরগী ৱাংমদা লৈরিবা মফম কয়াদা চীঙ-লেম্না পাঙথোকখ্রে হায়না আইন্না থিংখ্রবা লূপ অসীগী চেরোল অমদা ফোঙদোরক্লি।
লূপকি ১৬ শুবা চহী চঙলকপগা লোয়ননা মসীগী চ্যেরমেন লোংজম পালিবা এম্না মীয়ামদা য়াইফা পাউজেলগা লোয়ননা লৈবাককি নীঙতম ঈহৌদা থৱায় কৎখ্রবা অথৌবশিংগী মফমদা লূপকি মায়কৈদগী ইকায়খুম্নবা ঊৎখি হায়না চেরোল অসিনা খঙহল্লক্লি। হৌজিক মনিপুরদা মায়োক্নরিবা হীঙশাগী ঈরাঙ অসীদা লৈখিদ্রবা ইরৈচাশিংগী ঈমূঙ-মনূঙ কয়ানা মায়োক্নরি অৱাবশিংদসু লূপ অসীগী মায়কৈদগী মপূঙ ফানা শরুক য়াজরি হায়না ফোঙদোরক্লি।
ইন্দিয়াগী মনীঙতম্বা ঙাক্ননবা পাঙথোক্লিবা জোকরগী মীখলশিংদা থোক-থাক তৌদুনা, মীয়ামদা নিষাগী অমদি পৈশাগী মীত্রংনা ঙাওহন্দুনা মায় পাকখ্রবা প্রোক্সি এম এল এশিং অসীদগী ঐখোয় খূদীঙমক্না মীৎ-না শিংনা লৈবা মথৌ তারি। ভোৎ মশীং থীবদা নমথাক শান্নবা হৈবা, নমথাক্কি ই সি আই অমদি ই ভি এম পান্নরিবশিংনা অপাম্বা মীরেপ মায় পাকহনবা ঙম্লি।ভোৎ চোর তৌই হায়না মীয়াম্না লাউরক্লিবা কয়া অসী ঐখোয়না নৈনগদবনি।দেমোক্রেসিগী বিস্বগুরুনি হায়রিবা ইন্দিয়া অসী বিস্বজোকরনি, বিস্বচোর অমনি হায়বসি মীয়াম্না খঙজীনবা মথৌ তারে হায়না লূপকি মপোক কুম্মোন থৌরম অসীগা মরী লৈননা লূপকি চ্যেরমেন না ফোঙদোকখি হায়রি।
You may also like
-
বোম পোকখায়বা য়ানিংদবা ফোঙদোক্তুনা প্রোটেষ্ট তৌখ্রে, লূপ্নসু শেংদোরক্লি
-
এটি গী থৌমী ১৫০ হেনবনা ঈ দান তৌখ্রে
-
নাগাশিংনা ফাগৎপিয়ু হায়না খূৎ থিন্দুনা লাকখিবা পুলিস কন্সটেবলগী মথক্তা ইনক্বারি চত্থবা হৌখ্রে, সস্পেন্দ তৌখ্রে
-
ষ্টেট সোং মীয়াম্না শক্নবগী প্রোটোকোল অমা শেম্বিয়ু: সুসিন্দ্রো
-
মীয়াম্না মতৌ করম্না খোঙজঙ চঙশীনগদগে হায়বদু লৈঙাক অসীনা লাউথোকপিরো: ঈমাগী মৈরা