নোংমাইলেম্বিনা মিলালগী লূচীংপুরেল ওইরে

মীটৈ ঈরোল-ঈয়েক লোয়নাশিল্লোল অপুনবা লূপ (মিলাল),কংলৈপাক্কি লূচীংপুরেল হন্দক লৈখিদ্রবা মতূঙদা লূপ অসিগী অনৌবা লূচীংপুরেল ওইনা লাঙ্গোলজম নোংমাইলেম্বীবু য়েৎনবা লৈতনা খনখ্রে। ইন্দিপেন্দেন্ট সিজন মার্কেট তা পাঙথোকখিবা লূচীংপুরেল খনবা থৌরমদুদা হেরিকোনগী এদভাইজর লোংজম রতনকুমার, সনামহী কিয়োংগী ভাইস প্রসিদেন্ট এম ঈপূ, হেরিকোনগী প্রসিদেন্ট সুর্জিৎ অমদি অতৈ মীওই কয়াসু শরূক য়াখি।

নৌনা মিলালগী লুচীংপুরেল ওইরক্লবী লাঙ্গোলজম নোংমাইলেম্বীনা ফোঙদোকখিবা মতূঙ ইন্না , মহাক্না নৌনা ফম অসী পুরকপগা লোয়ননা মীয়ামগী থৌগাই মপূঙফানা পুননবা হোৎনগনি। ঈরোল-ঈয়েক অসী হেন্না খূমাঙ য়াঙনা মাঙলোমদা পুখৎনবা তৌগনি। মরী লৈনবা পূম্নমক্না হীরম অসীদা মহাকপু লমজীঙবিয়ু অমসুং কো-ওপরেসন পীবিয়ু হায়খি। মিলালনা শীন্দুনা লাক্কদৌরিবা আগষ্ট ২ দা মীটৈ ময়েক্কি চাংদম্নবা অদূগী মতাঙদা লূপ অসীগী লুচিংবা অমা ওইরিবা পাউনম থাকাবনা হায়, চাংদম্নবা অসি ক্লাস ৱান্দগী টেন ফাওবদা কাঙলূপ ১০ থোক্না পাঙথোক্কনি।

চাংয়েং অসীদা শরূক য়াগদবা মহৈরোয় লিশীং ২০ হেনবনা ঙসী ফাওবদা ফোর্ম লৌখ্রে।মখাতানা মহৈরোয়শিংনা ফোর্ম লৌবা য়ারি। মপূঙ ফানা মেন্সিল্লবা ফোর্মশিং অদূ লাক্লিবা জুলাই থাগী ২০ ফাওবগী মনুংদা পীশীল্লকপা য়াগনি।জীরিবাম য়াওনা মনিপুর তম্পাক্কি মফম পূম্নমক্তা চাংয়েং অসী পাঙথোক্কদবনি। চাংয়েং পাঙথোক্কদৌরিবা আগষ্ট ২ অমসুং মনা লান্থোক্কদৌরিবা নুমিৎ,  আগষ্ট ১৮ হায়রিবা নুমিৎশিং অসীদা কনাগুম্বা অমত্তনা বন্দ, ব্লোকেদনচিংবা চত্থবিগনু হায়না থা কাবনা মখা তাখি।