মালেমগী মফমশিং শীন্থুংনা পাঙথোক্নবগুম মনিপুরগী তোঙান তোঙানবা মফমশিংদা মালেমগী মমালোনগী নুমীৎ থৌরম পাঙথোক্নখি।মদূগী শরূক অমা ওইনা ইম্ফাল ইষ্ট দিষ্ট্রিক্টকি মনূঙচন্না খুন্দ্রাকপমদা লৈরিবা নাউরেম বিরহরি কল্লেজদসু থৌরম অসী মায়পাক্না পাঙথোকখ্রে।
কোল্লেজ অসীগী দিপার্টমেন্ট ওফ লিঙ্গুইষ্টিক্স না ইংলিস দিপার্টমেন্ট অমসুং কোল্লেজ অসীগী আই ক্যু এ সিগা খূৎশম্নদুনা মহৈলোয়শঙ অসীগী মল্টিপরপজ হোলদা পাঙথোকখিবা থৌরম অদুদা প্রোফেসার পি মধুবালানা অথোয়বা মীথুংলেন, কোল্লেজ অসীগী প্রিন্সিপাল ইন-চার্জ ওইনা লৈরিবি দা.আই কুঞ্জবটি দেবীনা থৌরম মপূ, কোল্লেজ অসীগী টিচিং এন্দ নোন-টিচিং ষ্টাফ এসোসিয়েসনগী সেক্রেটারি ৱাই প্রতিমা, টিচর রিপ্রজেন্টেটিব এস ইবেমচা চনূ, আই ক্যু এ সিগী হান্নগী কোর্দিনেটর এম গ্যানেশ্বরি অমসুং দা.এস সঞ্জিব, কোওর্দিনেটর ওফ আই ক্যু এ সি অসিনচিংবা কয়ানা অখন্নবা মীথূঙশিং ওইনা শরুক য়াখি।
থৌরম অদুদা কোল্লেজ অসীগী দিপার্টমেন্ট ওফ লিঙ্গুইষ্টিক্সকি হেদ ওইনা লৈরিবা দা.এন প্রিতমকুমারনা কি-নোট এদ্রেস পীখিবগা লোয়ননা মহৈরোয়শিংনা ঈমালোলবু থৌশারক্তবগী চৎনবী অমা লৈরকপনা ঙসীদি ঐখোয়গী ঈমালোল অসী মমি শাম্লকপগুম তৌরিবসি অফবা খূদম নত্তে, ঈমালোল লৈত্রবদি ঐখোয়গী শক্তমসু নোংমা-নোংমগী মূৎখ্রগনি হায়বা ৱাফম কয়া ফোঙদোকখি।
ঈমালোলদা লাইরিক তাকপী-তম্বিবগী মরূওইবা অমদি ঈমালোল মাঙখিবা মতমদা খুন্নাই অসীদা পীরক্কদবা চৈথেঙ কয়াগী মতাঙদা প্রোফেসার পি মধুবালানসু ৱাফম কয়া ফোঙদোকখি।
You may also like
-
দাইমন্দ দোনর্স কি ফাউন্দেসন পাঙথোকখ্রে
-
নেস্নেল হায়ৱে-৩৭ দা লেন্দস্লাইদ থোক্লে, লম্বী ফাওনখিদ্রে, মাল গারি কয়া পন্থদুনা লৈখ্রে
-
লৈঙাক্না লানবাউ পীননবা হোৎনরক্কনু, এটি গী থৌমীশিং খূদক্তা থাদোরক্কদবনি: কৈথেল ফম্বীশিং
-
হেল্থ কেম্পতা দাক্তরশিং লাক্লরোই হায়রকপা তরাইনা লৌদে: পুয়া
-
ইম্ফাল ৱেষ্ট দিষ্ট্রিক্ট তা মীওই অমা নৌনা দেঙ্গী পোজিটিব ওইবা থেংনরে