লদাখ পুলিসকি চিফ ওইনা লৈরকখিবা মুকেস সিংহ,আই পি এস, এজিএময়ুটি: ১৯৯৬ কেদর, ঙসীদগী হৌনা মনিপুরগী দিরেক্টর জেনরেল ওফ পুলিস (দি জি পি) ওইনা থবক পুবা হৌরগনি। মহাক হৌখিবা মে ৩০ দা ইম্ফালগী বির টিকেন্দ্রজিৎ ইন্টর্নেস্নেল এয়রপোর্টতা থুংলখিবনি।
মনিপুর লৈঙাক্কি দিপার্টমেন্ট ওফ পার্সনেল এন্দ এদমিনিষ্ট্রেটিব রিফোর্মস (পার্সনেল দিবিজন) গী জোইন্ট সেক্রেটরি বিজানন্দ চবূংবম্না থোকখিবা ওর্দর অমগী মতূং ইন্না, সেন্টর লৈঙাক্কি মরী লৈনবা অথোরিটি না হৌখিবা মে ২১ দা থোকখিবা ওর্দর অমগী মতূং ইন্না ইন্টর কেদর দেপ্যুটেসন্দা মুকেস সিংহ অসী এজিএময়ুটি কেদরদগী মনিপুর কেদর ওইনা ট্রান্সফর তৌখিবগী মতূঙ ইন্না, মহাক্না জূন ১ দগী মনিপুরগী দি জি পি ওইনা থবক পুননবা অয়াবা পীরে হায়না ফোঙদোকখি।
হৌখিবা থাংজা নুমিৎ, মে ৩০ দা মহাক্না ইম্ফালগী এয়রপোর্টতা হেক থুংলখিবা মতমদুদা পাউমীশিংনা মনিপুরগী হৌজিক ওইরিবা ঈরাং গী ফীভমশিং, লো এন্দ ওর্দরগী ফীভমশিং অসী য়েংলগা মনিপুরগী দি জি পি অমা ওইনা করম্বা থবক্না খ্বাইদগী অহানবা ওইনা লৌখৎকদগে হায়বা ৱাহং অমগী পাউখুমদা রাকেসনা, মহাক দিজিপি অমা ওইনা জোইন্ট তৌখিগে, মদূগী মতূঙদা করি-করম্বা থবক্না অহানবদা পায়খৎকদগে হায়বদু য়েংশিনগে হায়না ফোঙদোকখি। মখা তাবা ৱাহংশিংগী পাউখুমদি থোইনা কম্মেন্ট পীরমখিদে।
মনিপুরগী হান্নগী দি জি পি রাজিব সিংহদি য়ুনিয়ন কেবিনেট সেক্রেটরিয়েত্তা সেক্রেটরি (সেক্যুরিটি) ওইনা থৌ পুননবা মাঙজৌননা এপ্পোইন্ট তৌখ্রবনি।
You may also like
-
লোয়নবীনা মপূরোইববু থাঙনা থিন্দুনা হাৎখ্রে
-
উমংলাই হরাওবগী মরমদা ৱাখল তামিন্নখ্রে
-
সঙ্কাই কুকি খুলগী গেট মনাক্তা চৎলিবা হায়ৱে লম্বী,শকখঙদবশিংনা তৌখায়রম্লে, খারম ৱাইফৈ খুল মৈ থাদোক্লম্লে
-
কোকোমিগী লমজীং মখাদা শলুংফমদা কাঙলূপ কয়া শরূক য়াদুনা ৱাকৎ মীফম চত্থখ্রে
-
পুলিসনা মীওই অমদগী ক্রোর ১৮ লোমগী য়াবা তেব্লেটশিং ফাগৎলে