মহৌশা নিংথৌ পাল্লিঙৈ মতমদগী হৌনা মনিপুরদা মীকোক থীবগী থবক অসী অসুম্মক চত্থদুনা লাকখি। মতমদুগীদি নূপা মশীঙ কয়ানো, নূপীগী মশীঙনা কয়ানো, লান্মী ওইনা শীজীন্নবা য়ারবা নূপাগী মশীঙনা কয়ানো হায়বা খঙদোক্নবা ইচম চম্না চত্থরম্বা মওংদুনি।হৌজিক্কি মীকোক থীবা অসীদি লৈবাক অদূগী চাওখৎ-থৌরাং পায়খৎপদা খুদোং চাননবা, ষ্টেটকি অমদি মরী লৈনবা কেন্দ্রশিংগী মীশীঙদু খঙদোক্তুনা দিলিমিটেসন তৌবদা অমদি অতৈ লৈঙাক্কি পোলিসি-প্রোগ্ৰামশিং লৌখৎনবগী মতাঙদা মীকোক থীবনি। মনিপুরদা মীতোপ্না মশীঙ হেঙ্গৎলকপগী থাক অমদা লৈরি। মখোয়শিং অসী খন্দোক্তুনা মরমদমদা হলহনখ্রবা মতূঙদা সেন্সসকি থবক লৌখৎফম থোকই। মসী নত্রবদি য়েলহৌমী ঐখোয় পূম্নমক তুম্না মাঙখ্রগনি হায়না জে এফ দিগী কনভিনর ওইনা লৈরিবা জিটেন্দ্র নিঙোম্বনা ফোঙদোকখ্রে।
হৌখিবা আগষ্ট ৩০ দা ইম্ফাল ইষ্ট দিষ্ট্রিক্টকি মনূঙচন্না লৈরিবা থোংজু ফৈজালৈতোঙ লম্পাক্তা মায়কৈ অদোমগী লৈকায় ৪ না পূন্সিন্দুনা “নো এন আর সি, নো সেন্সস” হায়বা খোঙজঙগী মখাদা চত্থখিবা মীয়ামগী ৱাকৎ মীফমদা ৱা ঙাঙখিবা জীটেন্দ্রনা ৱাফম অসী ফোঙদোকখিবনি।
ষ্টুদেন্টস ৱেলফিয়র কম্মিটি (এস দব্লিয়ু এফ সি) না শীন্দুনা পাঙথোকখিবা ৱাকৎ মীফম অদুদা শক্নায়রবা একাদেমিসিয়ানশিং অমসুং সোসিয়েল এক্টিভিষ্ট শিংনা এন আর সিগী মরমদা ৱাফম কয়া শুগাইনা ফোঙদোক্নখি।
You may also like
-
বি জে পিনা সেন্সস য়ৈথোক্লে হায়রগা মীয়াম্না হরাওরুবা, পেন্থোক্লুবা য়াবা নত্রি:কৈথেলগী ঈমাশিং
-
আর পি আই (এ) গী নেস্নেল প্রসিদেন্ট না মনিপুরগী সি এস ওশিংগা উনদুনা ইস্যু কয়াগী মতাঙ খন্নখ্রে
-
মনিপুরি মচীন-মৌপ্ৱা অনীনা এয়র ইন্দিয়াদা থবক তৌমিন্নদুনা ষ্টেট অসীগী মীয়ামগী পূক্নীং চিংশিনখ্রে
-
হোজাইগী ঈমাশিংনা নিংথৌ সনাজাউবগা উনখ্রে
-
মনিপুরগী ইস্যুশিং অসীগী ৱায়োয়শিন পুরক্নবা ঙসীফাওবদা বি জে পিনা করি তৌখ্রবগে: লোকেন