মনিপুরদা নোংমা কাংদনা মীচম মীয়ামগী পুন্সিদা তেমশীংনরক্তুনা, নূপী-অঙাঙ ফাওবা খাক্তনা মিলিটেন্টশিংনা বোম অমদি নোংমৈনা কাপতুনা হাৎলক্লিবা কয়া অসীবু কন্না য়ানিংদবা ফোঙদোক্তুনা ঙরাং ওল মনিপুর বার এসোসিয়েসন (অম্বা) না, হায় কোর্ট বার এসোসিয়েসনগা খূৎশম্নদুনা ইম্ফালগী চৈরাপ কোর্ট কমপ্লেক্সতা ৱাকৎ মীফম অমা চত্থখ্রে।
থোইদোক হেন্দোক্না হন্দক, চৎলিবা এপ্রিল থা অসীগী তরেৎকি অহীঙ নোংয়াই মতূঙ পূঙ অমা মখায়রোম তারকপা মতমদা বিষ্ণুপুর দিষ্ট্রিক্টকি মনূঙচন্না লৈরিবা ট্রোংলাউবী অৱাং লৈকায়দা লৈবা ঈমূঙ অমদা কুকি মিলিটেন্টশিংনি চিংনবা শকখঙদবশিংনা বোম অমদি নোংমৈ কাপশীন্দুনা পীক্লিবা অঙাং অনী হাৎখিবা অমসুং মখোয়গী অপোকপী মমাবু তমথীনা শোকহনখিবা অমসুং থা অসীগী ১৮ দা ইম্ফাল -ঊখ্রূল লম্বীগী টি এম কসোম ভিল্লেজ মনাক্তা মিলিটেন্টশিংনা নোংমৈ কাপশীন্দুনা তাঙ্খুল ফূরূপকি মীচম অনী হাৎখিবা অদুগা মীওই কয়া অমনা শোকহনখিবা থৌওং অদূবু কন্না য়ানিংদবা উত্তুনা উকিলশিংনা তোঙান তোঙানবা ৱারোল ইবা প্লেকার্দ কয়ামরুম পায়দুনা খোঙজঙদু চঙশীনখিবনি।
লৈঙাক অসীনা মীচম মীয়ামগী পুন্সি অমদি লন-থুম কন্ননবা থবক পায়খৎপা ঙমদ্রে।মরাল লৈতনা হাত্তোকপিখ্রবা থৱায়শিং অদুদা অচূম্বা ৱায়েল ফংহনগদবনি, মীচম হাৎপশিং অকনবা আইনগী চৈরাক ফংহল্লু হায়বা দাবী তকশীন্দুনা মখোয়গী খোঙজং অদূ চত্থবনি হায়না মীফমদুদা শরূক য়াখিবা অম্বাগী সেক্রেটরি নিঙোম্বম অঙৌতোম্বনা পাউমীশিংদা ফোঙদোকখি।
You may also like
-
য়াইরিপোক মায়কৈদা মীয়াম্না লৈঙাক্কি ওফিস ছো লোন্সীনখ্রে, মহৌশাগী পুন্সিদা চাউনা অকায়বা পীরে
-
টোটেল সটদাওনগী খোঙজঙ অসী মীয়ামগী য়েংলগা খূদক্তা হন্দোকপিয়ু : চিফ মিনিষ্টর
-
মীয়াম্না দিমান্দগা মরী লৈননা খোঙজঙ চঙশীনবদা পব্লিক প্রোপর্টি মাঙহন্দনবা ইম্ফাল ৱেষ্টকি এস পিনা আপিল তৌরক্লি
-
মিলিটেন্টশিংনা এম্বুস তৌরকপদা তাঙ্খুল কাঙলূপকি মীওই অনী শিরে
-
নুমিৎ মঙানি চত্থগদবা টোটেল সটদাওন ঙরাংদগী হৌখ্রে, মীয়ামগী পুন্সিদা চাউনা অপনবা পীরে