মনিপুরগী নহারোল শিংগী থৌনা-লিংজেন,মরৈবাক নুংশিবগী মতৌ,থকশী-খাশি ঙাকপগী মতৌ অসীদি য়াম্না তোমথিন ওইবনি, মালেমগী নহারোলশিংনা তমজনিঙায় ওইরিবনি হায়না মনিপুরগী গভর্নর অজয় কুমার ভাল্লানা ফোঙদোকখ্রে।ঙরাং ইম্ফাল ইষ্ট দিষ্ট্রিক্টকি মনূঙচন্না পেলেস কম্পাউন্দা লৈরিবা মনিপুর ষ্টেট ফীল্ম দেভলপমেন্ট সোসাইটিগী ওদিটোরিয়মদা পাঙথোকখিবা তরাশুবা আর্ম ফোর্স ভেটরান দে থৌরমদা অথোয়বা মীথূঙলেন ওইনা শরূক য়াখিবা গভর্নরনা ৱাফম অসি ফোঙদোকখিবনি।
মহাক্না হায়, ঐখোয়না অঙাঙ ওইরিঙৈ মতমদগী হৌনা য়ুনিফোর্ম শেৎপা মিলিটরি ওফিসার অমদি পাইলোত ওইবা অসী য়াম্না পাম্নৈ। ইন্দিয়ান মিলিটরিগী পুৱারিদা মনিপুরিশিংনা হেন্দোক-থোইদোক্না কত্থোকপা,মরৈবাক নুংশিবগী অমদি মথৌনা লৈনা থবক তৌখিবগী লেঙদ্রবা রেকোর্দ থম্বা ঙম্লি।থবক্তগী পোত্থাখ্রবা মিলিটরি ওফিসারশিংনা অমসুং অতৈ ভেটরান পার্সনেলশিংনা লৈবাক অসীগী অমদি মালেমগী থাক্তা ঊৎখিবা মরৈবাক নীঙবগী থৌওংশিং অদূ কাউঙমদনা লৈহৌরগনি হায়না গভর্নরনা শীঙথাখি।
ঐখোয়না য়ুনিফোর্ম শেৎপা মিলিটরি ওফিসার উবদা পূক্নীঙদা চাউথোকচবা অমা ফাওই। তমজনিঙায় ওইরবা মনিপুরগী ভেটরান মিলিটরি ওফিসারশিংগী মরক্তা জেনরেল হিমালয়সু অমনি হায়না গভর্নরনা শীঙথাখি।
You may also like
-
মনিপুরদা ঈরাংনা শোকহল্লবা ঈমূঙ লীশিং ২৪ দি লৈঙাক্কি মতেং ফংদে হায়বগী মতাংদা য়েংশিন্নবা এস সিনা খঙহনখ্রে
-
Nagaland Sets Rs 2,400-Crore Tax Target by 2030
-
চিফ মিনিষ্টরনা বাইক থৌদুনা হর-ঘর তিরঙ্গা রেলিদা শরূক য়াখ্রে
-
ঈচাও মায়োক্নরবা লাই ভিল্লেজদা দিপ্যুটি চিফ মিনিষ্টর লোসি দিখোগী টিম্না চত্তুনা য়েংশিনখ্রে
-
নিপালশুবা ৱক্ফ বোর্দ মেম্বরশিং খল্লকপদা অম্পসুম না অপেনবা ফোঙদোরক্লি