মনিপুরদা ইন্নর লাইন পার্মিট সিষ্টেম চৎনবা হৌখিবা চহী মঙা শুরকপগী থৌরম ষ্টেট লৈঙাক্না শীন্দুনা থা অসীগী মাপনদা ইম্ফালগী পেলেস কম্পাউন্দা লৈবা সিটি কনভেন্সন সেন্টরদা পাঙথোকখ্রে। থৌরম অদুগী শরুক অমা ওইনা চিফ মিনিষ্টর্স ওন্টরপ্রিনর্সিপ সপ্পোর্ট স্কিম ( সি এম ঈ এস এস) গী খুদোংচাবা ফংলবা মনিপুরগী লাঞ্জেন্নরগা লৈরিবা মীওইশিংগসু উনদুনা ইন্টরেক্ট তৌনখি।
মনিপুর ষ্টার্ট অপ স্কিম ২.০ গী মখাদা সি এম ই এস এস কি খুদোংচাবশিং অদু পীখিবনি হায়রি। থৌরম অদুগা মরী লৈননা চিফ মিনিষ্টর বিরেন্না হায়, ইন্দিয়ানা ব্রিটিসকি মখূত্তগী নীং-খা তম্লবা মতূংদা আই এল পি চৎনবা ষ্টেট অসী মনিপুরনা অহানবা ওইরে। মনিপুরগী সিভিলাইজেসন অমসুং তোমথিন ওইরিবা কলচর অসিবু মশক খঙবীদুনা কুমশিং ২০১৯ গী দিসেম্বর ৯ দা ইন্দিয়া লৈঙাক্না মনিপুরদা আই এল পি চৎনহল্লকখিবনি। আসাম, মেঘালয়া, সিক্কিম্ন চিংবা ষ্টেটশিংদসু আই এল পি দিমান্দ তৌবা লৈরি হায়খি।
মনিপুরদা চীঙ অমসুং তম্পাক্কি সি এস ও কয়ানা লমদম অসিদা আই এল পি চৎনহন্নবা অচৌবা থৌদাংশিং লৌদুনা লাকখি। হৌখিবা কুমশিং ১৯৭২ দা মনিপুর মপূংফাবা ষ্টেট অমা ওইরকখ্রে। মদূগী মথঙদা লমদমসিদা আই এল পি চৎনবা হৌহনখিবা অসিসু সেন্তরগী অচৌবা খূদোল অমনি হায়খি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি