সাইক্লিং ফোর এ গ্ৰিনর ফ্যুচর হায়বা থিমদা ৱার্ল্ড বাইসাইকল দে ২০২৬ কা মরী লৈননা সাইকল রেল্লি অমা পাঙথোকখ্রে। মালেমগী মফম পূম্নমক্তা পাক-সন্না পাঙথোক্নবগুম রিজনেল ইন্সটিট্যুট ওফ মেদিকেল সাইন্সেস (রিম্স),ইম্ফালনা মনিপুর এদভেঞ্চর এন্দ মাউন্টেন বাইকিং এসোসিয়েসন অমদি অতৈ সাইক্লিং এসোসিয়েসনশিংগা খূৎশম্নরগা স্বাষ্টা এক্সন প্লানগী শরূক অমা ওইনা রেল্লি অদু পাঙথোকখিবনি। মনিপুরগী অতৈ মফমশিংদসু ৱার্ল্ড বাইসাইকল দে, ২০২৬ কি থৌরমগা মরী লৈননা সাইকল রেল্লি কয়ামরুম পাঙথোক্নখি।
নাকল অমরোমদা, থৌবাল বাইসাইকল রাইদর্স ক্লবনা শীন্দুনা সাইকল রেল্লি অমসু পাঙথোকখি। ৱার্ল্ড বাইসাইকল দে ,২০২৬ কি মনূঙ চন্না পাঙথোকখিবা সাইকল রেল্লি অদূ থৌবাল ৱাংমা তাবা দেবি মান্দোপতগী লমথাদুনা ৱাংজিং ফাওবা চৎলুরবা মতুংদা থৌবাল মেলা গ্ৰাউন্দ কম্যুনিটি হোলদা লমথূংফম ওইখি। কুমশিং ২০১৮ দা য়ুনাইটেদ নেসন্স জেনরেল এসেমব্লীনা চহী খূদিংগী জূন অহূম্বু ৱার্ল্ড বাইসাইকল দে হায়না পালন তৌরগনি হায়না লাউথোকখ্রবা মতূঙ মথঙ চহী ২০১৯ দগী হৌনা থৌবাল বাইসাইকল রাইদর্স ক্লবনা চহী খুদিংগী জূন ৩ দা সাইকল রেল্লি পাঙথোক্তুনা লাক্লিবনি হায়না ক্লব অসীগী কনভিনর সামোম রঘুমনিনা ফোঙদোকখি।
জীরী কোল্লেজগী এন এস এস য়ুনিট অমসুং আই ক্যু এ সি নসু মাস ভারত জিরিবামগা খূৎশম্নদুনা ঙরাং ৱার্ল্ড বাইসাইকল দে নুমিত্তা সাইকল রেল্লি অমা পাঙথোকখি হায়রি।
You may also like
-
থৌবাল কৈথেল থোঙ লোন্দুনা চঙশীল্লকপা খোঙজঙ হেন্না কন্সীল্লক্লি
-
দিলিমিটেসন, সেন্সস ওপরেসনগী মায়োক্তা মীয়ামগী অচৌবা রেল্লি চৎকদৌরি
-
লৈখিদ্রবা ভি দি এফ পার্সনেলগী লোয়নবীদা শেলগী মতেঙ পাংখ্রে
-
মার্ক ৱাংনা ফংলক্লবা মহৈরোয়শিং পূক্নিং থৌগৎখ্রে
-
এমপিসিসি গী টিম্না বোর্দর ভিল্লেজ অহুমদা চত্তুনা অৱা-তেঙবাংগী পোৎলমশিং খূৎশীন্নখ্রে