হৌখিবা মে ২১ দা থোকখিবা লম্বীগী খুদোংথীবা থৌদোক অমদা লৈখিদ্রবা ভিল্লেজ ভল্লন্টিয়র ফোর্স (ভি দি এফ) পার্সনেল থোকচোম মংলেমগী লোয়নবী থোকচোম ওঙবী সনাহনবীদা শেলগী তেঙবাং ওইনা লূপা লাখ অহূমগী শেনফম ঙরাং খূৎশীন্নখ্রে।
দিষ্ট্রিক্ট ভি দি এফ ৱেলফ্যের ফন্দগী শেনফমদগী তেঙবাং অদূ পীবনি। সুপরিন্টেন্দেন্ট ওফ পুলিস (এস পি) থৌবালগী ওফিস চেম্বরদা পাঙথোকখিবা তেঙবাং পীবগী থৌরম অদুদা থৌবাল দিষ্ট্রিক্ট কি এস পি মনোজ প্রভাকর এম, আই পি এস না সনাহনবীদা শেনফম অদূ চেক ওইনা খূৎশীন্নখি।থৌরম অদুদা থৌবাল দিষ্ট্রিক্ট কি এদ্দিস্নেল এস পি (এল ও) পি শঙ্কর, সব-ইন্সপেক্টর ৱাই শঙ্করদাস, কেসিয়র টু এস পি থৌবাল এস সোভা অমদি ভিদিএফ ৱেলফ্যের এসোসিয়েসন, থৌবালগী থৌমীশিং শরূক য়াখি।
মংলেম অসী হৈরোক্তা লৈরিবা বি-কম্পেনি ভি দি এফ পোষ্ট তা পোষ্টিং তাদুনা লৈবাক মীয়ামগী থৌগল তৌদুনা লৈরমখিবা, মথৌদা য়াম্না পূক্নিং চঙখিবা অমসুং ঈং-তপ্পা, পূকচেল শেংনা মীয়ামগা লোয়নখিবা পার্সনেল অমনি হায়বা ৱাফম ফোঙদোক্নখি।
You may also like
-
মার্ক ৱাংনা ফংলক্লবা মহৈরোয়শিং পূক্নিং থৌগৎখ্রে
-
এমপিসিসি গী টিম্না বোর্দর ভিল্লেজ অহুমদা চত্তুনা অৱা-তেঙবাংগী পোৎলমশিং খূৎশীন্নখ্রে
-
মালেমদা শান্তিগী পাউজেল পীরিবা মোদিনা মনিপুরদা মৈ চাক্লিবসি মূত্থৎনবা হোৎনদ্রি: এল তোম্বা
-
মুকেস সিংহ মনিপুরগী দি জি পি ওইনা চার্জ লৌখ্রে
-
মুকেস সিংহ ঙসী মনিপুরগী দি জি পি ওইনা মথৌ পুরগনি