দেমোক্রেসিগী মরিশুবা য়ূম্বী ওইনা থবক তৌরিবা প্রেসনা ঙসীগী মালেম অসীদা লৈরিবা মীয়ামদা মখল মখা কয়াগী ইদুকেসন পীদুনা, খূদক-খূদক্কি ওইবা মালেমগী থৌদোক -ৱাথোকশিংগী মরমদা ঈ-পাউশিং য়ৌহন্দুনা, মীয়ামগী মীৎ-নাকোং ওইদুনা লাক্লি।
লেজিসলেচর, এগজিক্যুটিভ অমসুং জুদিসিয়ারি হায়দুনা লৈরবা, দেমোক্রেসীগী য়ূম্বী অহুম অসীনা কন্সটিট্যুসনগী মায়োক্তা থবক চত্থরকপদা মীয়াম অমসুং লৈঙাক্কি মফমদা মতম চানা অশোয়বশিং অদূ খঙহন্দুনা চুমথোক্নবা হোৎনবদা প্রেসকি মথৌদাং অসী চাংদম্নিঙায় লৈতনা চাউরিবনি হায়না মনিপুর লৈঙাক্কি মখাদা লৈরিবা ইনফোর্মেসন এন্দ পব্লিক রিলেসন্সগী দিরেক্তর দা.টিঐচ চরঞ্জিৎনা ফোঙদোকখ্রে।
ঙরাং ৱার্ল্ড প্রেস ফ্রীদম দেগী থৌরম পাঙথোকপদা দিরেক্তর না ৱাফম অসী ফোঙদোকখিবনি। দি আই পি আরগী ওদিটোরিয়মদা পাঙথোকখিবা থৌরম অদূ ওল মনিপুর ৱার্কিং জর্নেলিষ্ট য়ুনিয়ন (অমজু), এদিটর্স গিল্ড মনিপুর (ই জি এম) অমসুং দি আই পি আর, মনিপুরনা খূৎশম্নদুনা পাঙথোকপনি।
এদিটর্স গিল্ড মনিপুরগী প্রসিদেন্ট খোগেন্দ্র খোমদ্রাম, অমজুগী প্রসিদেন্ট আসেম ভক্তসু প্রেসিদিয়ম মেম্বরশিং ওইনা থৌরমদুদা শরুক য়াখি। চরঞ্জিৎনা মখা তানা ফোঙদোকখিবা অমদা, পাউমীশিংনা অচুম্বদা য়ূম্ফম ওইবা, মীচঙ-মীখায় নাইদবা মওংদা, কনা অমত্তগী থৌইনশিন য়াওদনা মীয়ামদা মীৎ-নাকোং ওইগদবা, লৌশিং পীবা পাউ পুথোক্কদবনি হায়খি।
You may also like
-
স্পোট পেন্টীং কম্পিটিসন, ক্বিজগী থৌরম পাঙথোকখ্রে
-
নেস্নেল হায়ৱে-৩৭ দা লম্বী চৎপা য়ারমদবদু শেংদোকখ্রে, গারিশিং চৎপা হৌখ্রে
-
থাঙ-তা মশান্না অসী ওলেম্পিক গেম্সতা য়াওহন্দুনা শান্নরোয়শিংদা কান্নবা পীবা য়াই: প্রেমকুমার
-
লৈঙাক অমা নীংথিনা চল্লাইনবা হোৎনবদা মেদিয়াগী অচৌবা থৌদাং লৈ: চরঞ্জিৎ
-
সেন্টরগী লুচিংবশিংদা নোঞ্জরগা লৈঙাকপগী মহূৎ শিজখিবনা শরূক চাম্মা হেন্না ফৈ: ইবোবি