চৎলিবা জানুয়ারি থা অসীগী ২৭ কি অয়ূক পূং ৬.৩০ রোম তারকপদা লম্লাই পুলিস ষ্টেসনগী ওফিসার- ইন-চার্জ ওইনা লৈরিবা ইন্সপেক্তর রোসনগী ওভরওল সুপরভিজন মখাদা শেম্বা, পুলিস ষ্টেসন অসীগী এ এস আই এল খোগেন্দ্রোনা লুচিংবা টিম অমনা ইম্ফাল ইষ্ট দিষ্ট্রিক্ট কি মনূঙচন্না লৈরিবা চিঙারেল তেজপুর মনাক্কি লৌবূক্তা শকখঙদবশিংনা থাক্লম্বা উচেক ফাননবা লাং অমদা থুরবা উচেক অমা কনবা ঙমখ্রে।
মনিপুরিশিংনা থরোইচাবি হায়না খঙনরিবা উচেক মখল অদু এ এস আই খোগেন্দ্রোনা লুচিংবা পুলিসকি টিম অদূনা লাং অদুদগী লৌথোক্তুনা কনবিরবা মতূংদা অশোয়- অঙাম থোকহন্দনা মনীং-তম্না অতিয়াদা পাইহনখিবনি হায়রি।শকখঙদবশিংনা থাক্লম্বা উচেক ফানবা লাং অদূ লম্লাই পুলিস টিম অদুনা ফাগৎখ্রে। মতূংদসু কনাগুম্বা অমত্তনা লৈঙাক্কি অথীংবশিংগী মায়োক্তা আইন কায়না অসিগুম্বা মওংদা লম্লক্কি শা-উচেক ফাবা,হাৎপা,লৈবা-য়োনবনচিংবা থেংনরবদি পুলিস ষ্টেসন অসীদা পাউ পীবীরক্নবা লম্লাই পুলিস ষ্টেসনগী ও সিনা মরী লৈনবশিংদা আপিল তৌখি।
লম্লক্কি শা-উচেক্নচিংবা ফাবা,হাৎপা, লৈবা-য়োনবশিংগী মথক্তা হৌজিক লৈবাক অসীদা চৎরিবা ৱাইল্ড লাইফ লো অমসুং এক্ট শিংগী মখাদা অকনবা চৈরাক পীগনি হায়খি।
You may also like
-
কাংপোকপিদা কুকি-জো ফূরুপ্না কৌখিবা টোটেল সটদাওনগী খোঙজঙনা মহৌশাগী ওইবা পুন্সিদা চাউনা অকায়বা পীখ্রে
-
প্রোফেসার গঙ্গা প্রসাদনা এম য়ূগী অনৌবা ভি সি ওইরগনি
-
মেঘালয়াগী আই এ এস ওফিসারগী একাদেমিক বুকতা মালেমগী হেঙ্গৎলক্লিবা ইন্টরদিসসিপ্লিনারি নোলেজ ইকোনোমি দিমান্দগী মমি ময়েক শেংনা তাবা থেংনরে
-
স্মার্ট প্রিপেদ মিটরনা মহুৎ শিন্ননবা নোটিফিকেসন থোকখ্রে
-
এম্বুসতা শোক্তুনা শীজ হোস্পিটালদা লায়েঙলিবা মীচম অহুমগী ফীভম চিফ মিনিষ্টরগী টিম্না য়েংশিনখ্রে