মালেমগী ওইনা লাক্কদৌরিবা কুমশিং ২০৪৭ তগী ইন্দিয়ানা খ্বায়দগী চাওখৎলবা লৈবাক অমা ওইননবা পান্দম থম্লি হায়না চান্দেল দিষ্ট্রিক্ট কি দিবিজনেল ফোরেষ্ট ওফিসার (দি এফ ও) দা. এন মুনাল মৈতৈনা ফোঙদোকখ্রে।
চৎলিবা সেপ্তেম্বর থা অসীগী ১৭ তগী হৌরগা লাক্কদৌরিবা ওক্তোবর ২ ফাওবা পাঙথোক্লিবা সেবা পর্বগী নেসন ফরষ্ট@৭৫ কেম্পেইনগী শরুক অমা ওইনা জাফৌ ভিল্লেজগী জল জিবন মিসনগী ঈশীং লৌফমগী অকোয়বদা ঙরাং উ চারা ৩০০ লোম হেন্না থাখিবা থৌরমদা ৱা ঙাঙবদা দি এফ ও অসিনা ৱাফম অসী থমখিবনি। কেম্পেইন অসী ইন্দিয়াগী মফমশিং শীনবা থুংনা পাঙথোক্তুনা লাক্লিবনি।
জাতিগী মপা মহাত্মা গান্ধীজিগী মপোক নুমিৎ, ওক্তোবর অনীফাওবা পাঙথোক্লবা মতূঙদা কেম্পেইন অসী লোইশিনগনি হায়রি। ঙরাং গী থৌরমদুদা চান্দেলগী ফোরেষ্ট ওফিসার অমদি অতৈ ওফিসিয়েলশিং, দি এফ ও মুনাল, ভিল্লেজগী চিফ দব্লিয়ু হেমান সিংহ মোন্সাং, পি ঐচ ঈ দিগী ষ্টাফশিং অমসুং খুঞ্জাশিংনা শরুক য়াখি।
You may also like
-
ওফিসারশিং পাক-সন্না ট্রান্সফর তৌননবা ই সি আইনা খঙহল্লকখ্রে
-
মেরা হৌ চোংবা থৌরম্না লমদমসিদা তঙদূ লৈতাবা পুরক্লসনু : নিংথৌ সনাজাউবা
-
সি এম খেমচান্দ না সূ দেজিগনেটেদ কেম্প তা হকথেঙননা চত্তুনা য়েংশিনবা মনিপুরগী অহানবা চিফ মিনিষ্টর ওইরে
-
অনাল ফূরূপকি লৌরোক ফেষ্টিবেল মপুঙফানা পাঙথোকখ্রে
-
পূং ২৪ দা মনিপুরদা মীওই ১৪ পোজিটিব ওইখ্রে