রিমস তা লায়েংবা লাকপা অনাবশিং অমদি অঙাঙ উননবগী লায়কন্নবা লাকপা মীরোনবীশিং হন্দক হোস্পিটাল অসীগী দাক্তরশিংনা থৌশাবিদবদগী শিখিবনি হায়দুনা মীয়াম্না অকনবা ঈরাঙ হৌরকপদা রিমস হোস্পিটালগী পোৎলম কয়া অমাঙ- অতা থোকহনখিবা অমসুং দাক্তর অমা ফূরমখিবা থৌদোক্তগী রিমসকি দাক্তরশিং, মহৈরোয় অমসুং অতৈ মরী লৈনবা ষ্টাফশিংনা অনা-লায়েংগা মরী লৈনবা থবক থৌরমশিং চপ লেপখিবা অসীগী মতাঙদা নুংনাংবা ফোঙদোরকপগা লোয়ননা মায়কৈ কয়াদগী মীয়াম্না দাক্তরশিংগী খোঙজঙ হন্দোকপিননবা আপিল তৌনরক্লি।
হোস্পিটাল অসীগী টিচিং, নোন-টিচিং ষ্টাফশিং, এদমিনিষ্ট্রেটিব ষ্টাফ অমদি মহৈরোয়শিংনা মসীগী ওপিদি, ইমর্জেন্সি সার্বিসনচিংবা ঙম্নমক থিংজিন্দুনা অনা- লায়েংগী থবক- থৌরম পূম্নমক চপ লেপখ্রবা মতূঙদা মনিপুরদা লৈরিবা লৈঙাক্কি অমসুং লন্নাই হোস্পিটাল পূম্নমক্তসু রিমস কি খোঙজঙ অসীবু শৌগৎলদুনা অনা- লায়েংগী থবকশিং লেপ্তুনা লৈখ্রে।
অসীগুম্বা ফীভম অসীনা লমদমসিগী লায়রবা ঈমূঙগী অনাবশিংদা য়াম্না চাউনা চৈথেং পীরে। তাইবং শেম্বিবা মপূ মহাক্কি হেক ঙমথঙদা লৈদুনা মীওইবগী পুন্সি কনবিরিবা দাক্তরশিংনা চঙশিল্লিবা খোঙজঙ অসী য়ারিবমখৈ খোঙফম হন্দোকপিরগা মীয়ামগী থৱায় কনবরোমদা মায় ওন্সীনবিয়ু হায়না সোসিয়েল ৱার্কর সঞ্জয় অহন্থেম্না মরী লৈনবা দাক্তর অমসুং মেদিকেল ফ্রেটর্নিটিগী মফমদা থম্মোয়গী ওইবা আপিল অমা তৌরক্লি।
অনাবা মীয়াম্না দাক্তরগী মনাক য়ৌরকপদা অৱাবা কোক্লগনি খঞ্জরিবনি। মীয়ামগী য়েংবিরগা মহৌশাগী মথৌদা হঞ্জিনবিয়ু হায়না তকশীল্লক্লি।
You may also like
-
ঈরোল-ঈয়েক চাওখৎনবা হোৎনরম্লিবা লাইওইখ্রবা অহলশিংবু খক কাউরোইদবনি: সিবদট্ট লুৱাং
-
ৱাক্ফ বোর্দকি মেম্বর খনবদা নোন-মুস্লিম হাপচীল্লকপগী মায়োক্তা রেল্লি চৎখ্রে
-
এন আর সিগী দিমান্দ শোয়দনা মায় পাক্কনি হায়বগী থাজবা লৈ: চিফ মিনিষ্টর
-
ট্রকশিং মতম চানা ইম্ফালদা য়ৌরকখ্রে
-
মীয়াম্না তাল্লিবা এন আর সীগী দিমান্দ ফংলগনি হায়বগী অচেৎপা থাজবা লৈরে: এক্স চিফ মিনিষ্টর