এফ এম জি ইন্টর্নশিংগী ষ্টাইপেন্দ ইমপ্লিমেন্ট তৌবিয়ু হায়বা দিমান্দ তৌরদুনা ঙরাং জৱাহরলাল নেহেরু ইন্সটিট্যুট ওফ মেদিকেল সাইন্সেস (জেনিম্স) অমদি কেথোলিক মেদিকেল কোল্লেজগী ইন্টর্নিশিংনা ষ্টেট লৈঙাক্কি হেল্থ সার্বিসেস দিপার্টমেন্ট কি ওফিস মমাঙদা চঙশীল্লক্লগা অকনবা প্রোটেষ্ট চত্থখ্রে।
ইন্টর্নিশিংনা মফম অদূদা ফমজীন্দুনা চত্থরকখিবা প্রোটেষ্ট অদুদা তোঙান-তোঙানবা প্লেকার্দ কয়ামরূম পায়খি অদুগা খোল্লাউ কয়াসু লাউখি। মখোয়গী অচূম্বা দিমান্দ অদূ হৌখিবা কুমশিং ২০২৫ গী নবেম্বর থাদগী তকশীন্দুনা লাক্লবসু মরী লৈনবা মকোকথোংবা ওফিসিয়েলশিংনা ঙসীফাওবা থবক্তা ওন্থোরকপা লৈত্রি হায়না ইন্টর্নিশিং অদুনা পেন্দবা ফোঙদোক্নখি।
ইন্টর্নিশিংনা মনিপুরগী চিফ মিনিষ্টর য়াওনা হেল্থ কম্মিস্নারগা ফম্মিন্নদুনা য়ানখিবসু লৈখ্রে। মরী লৈনবা চে-চাং ফাইনান্স দিপার্টমেন্ট তা থাদুনা প্রোসেস তৌহল্লগনি হায়রবসু ঙসী ফাওবা থবক্তা ওন্থোকপিদবদগী খোঙজঙ অদূ চঙশীল্লকপনি হায়না জেনিম্স এফ এম জিগী ইন্টর্ন থৌদাম কর্নেসনা ফোঙদোকখি।
You may also like
-
নিসান কম্পেনিগী অনৌবা “টেকটন” প্রেমিয়ম এস য়ূ ভী লোঞ্চ তৌখ্রে
-
এন আর সি মপূঙফানা থবক্তা ওন্থোকত্রিফাওবা সেন্সস লেপকদবনি হায়না সি এস ও ১৪ না সেন্টরদা তকশীনখ্রে
-
য়ৌরবুংদা নৌনা শাবা কম্যুনিটি হোল এম এল এ ইবোমচানা শঙ্গাখ্রে
-
লৈখিদ্রবা এ আর পার্সনেল অনীগী মফমদা অরোয়বা ঈকায়খুম্নবা ঊৎখ্রে
-
গারি থেংজিন্নবদা শোকপদগী লায়কন্নখ্রে